ജയസൂര്യ, വിനായകന്‍ എന്നിവരെ കേന്ദ്ര കഥാപാത്രങ്ങളാക്കി പ്രിന്‍സ് ജോയ് സംവിധാനം ചെയ്യുന്ന പുതിയ സിനിമയുടെ ചിത്രീകരണം പൂര്‍ത്തിയായി. അനുഗ്രഹീതന്‍ ആന്റണിക്കു ശേഷം പ്രിന്‍സ് ജോയി സംവിധാനം ചെയ്യുന്ന ചിത്രമാണിത്. ഫോര്‍ട്ട് കൊച്ചി, കൊല്ലം, കോയമ്പത്തൂര്‍ എന്നിവിടങ്ങളിലായിരുന്നു ചിത്രീകരണം.
ഫാന്റസി-കോമഡി യോണറിലാണ് ചിത്രം ഒരുക്കിയിരിക്കുന്നത്. വലിയ മുതല്‍മുടക്കില്‍ വ്യത്യസ്ഥമായ ലൊക്കേഷനുകളിലൂടെയാണ് സിനിമ പൂര്‍ത്തിയാക്കിയത്. ഓസ്ലറിനു ശേഷം നേരമ്പോക്കിന്റെ ബാനറില്‍ മിഥുന്‍ മാനുവല്‍ തോമസും ഇന്‍ഷാദ് എം. ഹസ്സനും ചേര്‍ന്നാണ് നിര്‍മാണം.
ഇനിയും പേരിട്ടിട്ടില്ലാത്ത ചിത്രത്തിന്റെ ടൈറ്റില്‍ ലോഞ്ച് ഉടന്‍ ഉണ്ടാകുമെന്ന് അണിയറപ്രവര്‍ത്തകര്‍ അറിയിച്ചു. ജയസൂര്യയ്ക്കും വിനായകനുമൊപ്പം സണ്ണി വെയ്ന്‍, സുരേഷ് കൃഷ്ണ, ഇന്ദ്രന്‍സ്, മണികണ്ഠന്‍ ആചാരി, നിഹാല്‍ എന്നിവരും നിരവധി പുതുമുഖങ്ങളും ചിത്രത്തില്‍ അഭിനയിക്കുന്നുണ്ട്. ബേബി ജീനും ഈ ചിത്രത്തില്‍ സുപ്രധാന കഥാപാത്രത്തെ അവതരിപ്പിക്കുന്നു.
ജെയിംസ് സെബാസ്റ്റ്യന്റേതാണ് തിരക്കഥ. ഷാന്‍ റഹ്‌മാനാണ് സംഗീത സംവിധാനം. എഡിറ്റിങ് വിഷ്ണു ശര്‍മ. പ്രൊഡക്ഷന്‍ ഡിസൈനര്‍ - അരുണ്‍ വെഞ്ഞാറമൂട്. കലാസംവിധാനം - മഹേഷ് പിറവം.
ചീഫ് അസ്സോസ്സിയേറ്റ് ഡയറക്ടേര്‍സ് -രജീഷ് വേലായുധന്‍, ബേസില്‍ വര്‍ഗീസ് ജോസ്, ആക്ഷന്‍ ഫീനിക്‌സ് പ്രഭു. ഡിസൈന്‍ യെല്ലോ ട്രൂത്ത്,
സ്റ്റില്‍സ് - സുഹൈബ് എസ്.ബി.കെ, എക്‌സിക്കുട്ടീവ് പ്രൊഡ്യൂസേര്‍സ് - സുനില്‍ സിംഗ്, സജിത് പി.വൈ, പ്രൊഡക്ഷന്‍ മാനേജര്‍ - നജീര്‍ നസീം, പ്രൊഡക്ഷന്‍ എക്‌സിക്കുട്ടിവ് - രാജേഷ് സുന്ദരം,
പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍, വാഴൂര്‍ ജോസ്.