മലയാളത്തിന്റെ അമ്മ മുഖമായ കവിയൂര് പൊന്നമ്മയ്ക്ക് വിട. കവിയൂര് പൊന്നമ്മയുടെ ഭൗതികശരീരം ആലുവയിലെ വീട്ടുവളപ്പില് സംസ്കരിച്ചു. കാന്സര് രോഗബാധിതയായി ചികിത്സയില് കഴിയവെ എറണാകുളം ലിസി ആശുപത്രിയില് വെച്ചായിരുന്നു കവിയൂര് പൊന്നമ്മയുടെ അന്ത്യം.
ആറ് പതിറ്റാണ്ട് നീണ്ട അഭിനയ ജീവിതത്തില് കവിയൂര് പൊന്നമ്മ 700ലധികം സിനിമകളില് വേഷമിട്ടിട്ടുണ്ട്. 1945 സെപ്തംബര് 10ന് പത്തനംതിട്ട ജില്ലയിലെ കവിയൂര് ആണ് ജനനം. അന്തരിച്ച പ്രശസ്ത സിനിമ-നാടക നടിയായിരുന്ന കവിയൂര് രേണുക സഹോദരിയാണ്.
ALSO READ : സ്ക്രീനിലും ജീവിതത്തിലും മോഹന്ലാലിന്റെ അമ്മയായ കവിയൂര് പൊന്നമ്മ
അവസാന നാളുകളില് പറവൂര് കരിമാളൂരിലെ വീട്ടില് സഹോദരനും കുടുംബത്തിനുമൊപ്പമായിരുന്നു കവിയൂര് പൊന്നമ്മ താമസിച്ചിരുന്നത്. സിനിമ നിര്മാതാവായിരുന്ന മണിസ്വാമിയായിരുന്നു ഭര്ത്താവ്. ഏക മകള് ബിന്ദു. നാല് തവണ മികച്ച സഹനടിക്കുള്ള സംസ്ഥാന സര്ക്കാരിന്റെ അവാര്ഡ് ലഭിച്ചിട്ടുണ്ട്. തോപ്പില് ഭാസിയുടെ മൂലധനം എന്ന നാടകത്തിലൂടെയാണ് അഭിനയ രംഗത്തേക്ക് എത്തിയത്. കെപിഎസിയുടെ ഗായികയായിട്ടാണ് അരങ്ങത്തേക്ക് എത്തിയത്.