ഹോം, ഫാലിമി തുടങ്ങിയ സിനിമകളുടെ വിജയത്തിന് ശേഷം മഞ്ജു പിള്ള വീണ്ടും ശ്രദ്ധേയമായ ഒരു കഥാപാത്രത്തെ അവതരിപ്പിക്കാന്‍ ഒരുങ്ങുകയാണ്. 'ഒരു സെക്കന്‍ഡ് ക്ലാസ് യാത്ര' എന്ന സിനിമക്ക് ശേഷം റെജിസ് ആന്റണി സംവിധാനം ചെയ്യുന്ന സ്വര്‍ഗം എന്ന ചിത്രത്തില്‍ ആനിയമ്മ എന്ന കഥാപാത്രത്തെയാണ് മഞ്ജു പിള്ള അവതരിപ്പിക്കുന്നത്. ഇന്‍സ്റ്റഗ്രാം പ്രൊഫൈല്‍ മാതൃകയിലുള്ള ഒരു ക്യാരക്ടര്‍ പോസ്റ്ററും അണിയറക്കാര്‍ പുറത്തുവിട്ടിട്ടുണ്ട്. ഒരു റോബോട്ട് പോസ്റ്ററുമായി നില്‍ക്കുവിധമാണ് ഡിസൈന്‍ ചെയ്തിരിക്കുന്നത്.
അജു വര്‍ഗീസ്, ജോണി ആന്റണി, അനന്യ എന്നിവരാണ് സ്വര്‍ഗത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. സിഎന്‍ ഗ്ലോബല്‍ മൂവീസിന്‍റെ ബാനറില്‍ ലിസി കെ. ഫെര്‍ണാണ്ടസ് ആന്‍റ് ടീം ആണ് ചിത്രം നിര്‍മിക്കുന്നത്.
മധ്യ തിരുവിതാംകൂറിന്‍റെ പശ്ചാത്തലത്തില്‍ അയല്‍വാസികളായ രണ്ടു ക്രൈസ്തവ കുടുംബങ്ങളുടെ ജീവിത സാഹചര്യത്തില്‍ തിരിച്ചറിയുന്ന യാഥാര്‍ഥ്യങ്ങളാണ് ചിത്രത്തില്‍ ദൃശ്യവത്കരിക്കുന്നത്. ഈരാറ്റുപേട്ട, പാലാ എന്നിവിടങ്ങളിലായാണ് 'സ്വര്‍ഗ' ത്തിന്റെ ചിത്രീകരണം പൂര്‍ത്തിയായത്. ഒക്ടോബറില്‍ ചിത്രം തീയേറ്ററുകളിലെത്തും.
സിജോയ് വര്‍ഗീസ്, വിനീത് തട്ടില്‍, സജിന്‍ ചെറുകയില്‍, അഭിറാം രാധാകൃഷ്ണന്‍, രഞ്ജി കങ്കോല്‍, ഉണ്ണി രാജ, പുത്തില്ലം ഭാസി, മനോഹരി ജോയ്, 'ജയ ജയ ജയ ഹേ' ഫെയിം കുടശനാട് കനകം, തുഷാര പിള്ള, 'ആക്ഷന്‍ ഹീറോ ബിജു' ഫെയിം മേരി ചേച്ചി, മഞ്ചാടി ജോബി തുടങ്ങിയവരാണ് ചിത്രത്തിലെ മറ്റു താരങ്ങള്‍. പുതുമുഖങ്ങളായ സൂര്യ, ശ്രീറാം, ദേവാഞ്ജന, സുജേഷ് ഉണ്ണിത്താന്‍, റിതിക റോസ് റെജിസ്, റിയോ ഡോണ്‍ മാക്‌സ്, സിന്‍ഡ്രല്ല ഡോണ്‍ മാക്‌സ് എന്നിവരും ഈ ചിത്രത്തില്‍ അഭിനയിക്കുന്നു.
എസ്. ശരവണനാണ് ഛായാഗ്രഹണം നിര്‍വഹിച്ചിരിക്കുന്നത്. ബി.കെ. ഹരി നാരായണന്‍, സന്തോഷ് വര്‍മ്മ, ബേബി ജോണ്‍ കലയന്താനി എന്നിവരുടെ വരികള്‍ക്ക് ബിജിബാല്‍, ജിന്റോ ജോണ്‍, ലിസി കെ. ഫെര്‍ണാണ്ടസ് എന്നിവര്‍ സംഗീതം പകരുന്നു. ലിസി കെ ഫെര്‍ണാണ്ടസിന്റെ കഥയ്ക്ക് റെജിസ് ആന്റണി, റോസ് റെജിസ് എന്നിവര്‍ ചേര്‍ന്ന് തിരക്കഥ-സംഭാഷണമെഴുതുന്നു.
എഡിറ്റിംഗ്: ഡോണ്‍മാക്‌സ്, ഗായകര്‍: കെ.എസ്. ചിത്ര, വിജയ് യേശുദാസ്, ഹരിചരണ്‍, സുദീപ് കുമാര്‍, സൂരജ് സന്തോഷ്, അന്ന ബേബി, വിതരണം സി എന്‍ ഗ്ലോബല്‍ മൂവീസ് ത്രൂ വള്ളുവനാടന്‍ സിനിമാ കമ്പനി, ഡിസ്ട്രിബ്യൂഷന്‍ ഹെഡ്: പ്രദീപ് മേനോന്‍, കൊറിയോഗ്രാഫി: കല, പ്രൊഡക്ഷന്‍ കണ്‍ട്രോളര്‍: തോബിയാസ്, ഓഡിയോഗ്രാഫി : ആശിഷ് ജോസ് ഇല്ലിക്കല്‍, കല: അപ്പുണ്ണി സാജന്‍, മേക്കപ്പ്: പാണ്ഡ്യന്‍, വസ്ത്രാലങ്കാരം: ക്രിയേറ്റീവ് ഡയറക്ഷന്‍: റോസ് റെജിസ്, ചീഫ് അസോസിയേറ്റ് ഡയറക്ടര്‍: എ.കെ.രജിലേഷ്, പ്രൊഡക്ഷന്‍ എക്സിക്യൂട്ടീവ്: ബാബുരാജ് മനിശ്ശേരി, പ്രോജക്ട് ഡിസൈനര്‍: ജിന്റോ ജോണ്‍, പ്രോജക്ട് കോ-ഓര്‍ഡിനേറ്റര്‍: സിജോ ജോസഫ് മുട്ടം, പ്രമോഷന്‍ കണ്‍സള്‍ട്ടന്റ് : ജയകൃഷ്ണന്‍ ചന്ദ്രന്‍ , അസോസിയേറ്റ് ഡയറക്ടര്‍മാര്‍: ആന്റോസ് മാണി, രാജേഷ് തോമസ്, സ്റ്റില്‍സ്: ജിജേഷ് വാടി, ഡിസൈന്‍: ജിസന്‍ പോള്‍, ഐടി സപ്പോര്‍ട്ട് ആന്‍ഡ് സോഷ്യല്‍ മീഡിയ: അഭിലാഷ് തോമസ്, ബിടിഎസ്: ജസ്റ്റിന്‍ ജോര്‍ജ്ജ്, ഡിജിറ്റല്‍ മാര്‍ക്കറ്റിംഗ്: ഒബ്‌സ്‌ക്യൂറ എന്റര്‍ടൈന്‍മെന്റ്‌സ്, പിആര്‍ഒ: വാഴൂര്‍ ജോസ്, എ.എസ്. ദിനേശ്, ആതിര ദില്‍ജിത്ത്.