"വർക്ക് നടക്കട്ടെ!" വിദ്വേഷ പ്രചാരണങ്ങൾക്കിടെ 'വിലായത്ത് ബുദ്ധ' സ്നീക് പീക്ക് വീഡിയോ പങ്കുവച്ച് പൃഥ്വിരാജ്

ഡബിൾ മോഹനന്റെ മാസ് ഡയലോഗാണ് സ്നീക് പീക്കിന്റെ പ്രധാന സവിശേഷത
പൃഥ്വിരാജ് സുകുമാരൻ
പൃഥ്വിരാജ് സുകുമാരൻSource: X
Published on
Updated on

കൊച്ചി: 'വിലായത്ത് ബുദ്ധ'യ്ക്കും പൃഥ്വിരാജിനും നേരെ സോഷ്യൽ മീഡിയയിൽ സൈബർ ആക്രമണങ്ങൾ നടക്കുന്നു എന്ന് നിർമാതാവ് സന്ദീപ് സേനന്‍ പരാതിപ്പെട്ടതിന് പിന്നാലെ സിനിമയുടെ സ്നീക് പീക്ക് പുറത്തുവിട്ട് അണിയറപ്രവർത്തകർ. നവംബർ 21ന് തിയേറ്ററുകളിൽ എത്തിയ ചിത്രത്തിന് സമ്മിശ്ര പ്രതികരണമാണ് ലഭിക്കുന്നത്. പൃഥ്വിരാജ് സുകുമാരൻ, ഷമ്മി തിലകൻ എന്നിവരാണ് സിനിമയിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്.

പൃഥ്വിരാജ് പങ്കുവച്ച സ്നീക് പീക്ക് വീഡിയോ നടന്റെ ആരാധകർ ഏറ്റെടുത്തിരിക്കുകയാണ്. "വർക്ക് നടക്കട്ടെ," എന്ന് സിനിമയിലെ കേന്ദ്രകഥാപാത്രങ്ങളിൽ ഒന്നായ ഡബിൾ മോഹനൻ പറയുന്ന ഡയലോഗ് വരുന്ന ഭാഗമാണ് നടൻ പങ്കുവച്ചത്. ''മറയൂര് ചന്ദനം ഇനിയുമുണ്ടല്ലോ, മറയൂര് മോഹനനുമുണ്ടല്ലോ'' എന്ന മാസ് ഡയലോഗും വീഡിയോയിലുണ്ട്. വിമർശകർക്കുള്ള മറുപടിയായിട്ടാണ് ഈ വീഡിയോ ആരാധകർ എടുത്തുകാട്ടുന്നത്.

പൃഥ്വിരാജ് സുകുമാരൻ
ഷമ്മി ഹീറോ ആടാ! സമാനതകളില്ലാത്ത പകർന്നാട്ടം; 'വിലായത്ത് ബുദ്ധ'യിൽ ഭാസ്കരൻ മാഷായി ഞെട്ടിച്ച് ഷമ്മി തിലകൻ

അതേസമയം, 'വിലായത്ത് ബുദ്ധ'യ്ക്കും പൃഥ്വിരാജിനും നേരെ സോഷ്യൽ മീഡിയയിൽ നടക്കുന്ന സൈബർ ആക്രമണങ്ങൾക്കെതിരെ സന്ദീപ് സേനന്‍ പരാതി സമർപ്പിച്ചു. ഡബിൾ മോഹനൻ എന്ന പൃഥ്വിരാജ് അവതരിപ്പിച്ച കഥാപാത്രത്തിൻ്റെ മതം ഊഹിച്ച് മത - രാഷ്ട്രീയ വിദ്വേഷം പടർത്തുന്നതായാണ് പരാതിയിൽ പറയുന്നത്. ഫസ്റ്റ് റിപ്പോർട്ട് എന്ന യൂട്യൂബ് ചാനൽ നൽകിയ റിവ്യൂവിനെതിരെയാണ് പരാതി. സിനിമയുടെ ഉള്ളടക്കത്തെ വളച്ചൊടിച്ച് മതങ്ങളെയും രാഷ്ട്രീയ ചിന്താഗതികളെയും അവഹേളിക്കുന്ന തരത്തിലാണ് റിവ്യൂ തയ്യാറാക്കിയിരിക്കുന്നത്. ഇത് സൈബർ ടെററിസമാണെന്നും ഇതിലൂടെ സമൂഹത്തിൽ വർഗീയ ധ്രുവീകരണം നടത്താനും സിനിമയുടെ പേരിനെ തന്നെ കളങ്കപ്പെടുത്താനും ശ്രമിച്ചതായി നിർമാതാവ് ചൂണ്ടിക്കാട്ടുന്നു.

പൃഥ്വിരാജ് സുകുമാരൻ
വെട്രിമാരൻ- സിലമ്പരസൻ ചിത്രം 'അരസനി'ൽ വിജയ് സേതുപതി; സർപ്രൈസ് അപ്ഡേറ്റുമായി നിർമാതാവ്

ജയൻ നമ്പ്യാർ സംവിധാനം ചെയ്ത 'വിലായത്ത് ബുദ്ധ' പ്രശസ്ത എഴുത്തുകാരൻ ജി.ആർ. ഇന്ദുഗോപന്റെ അതേ പേരിലുള്ള നോവലിനെ അടിസ്ഥാനമാക്കി ഒരുക്കിയതാണ്. പ്രിയംവദ കൃഷ്ണയാണ് ചിത്രത്തിലെ നായിക. 'തൊണ്ടിമുതലും ദൃക്‌സാക്ഷിയും', 'സത്യം പറഞ്ഞാൽ വിശ്വസിക്കുവോ', 'സൗദി വെള്ളക്ക' തുടങ്ങിയ ഹിറ്റ് ചിത്രങ്ങൾക്ക് ശേഷം ഉർവശി തിയറ്റേഴ്സിൻ്റെ ബാനറിൽ ഒരുക്കിയിരിക്കുന്ന ബ്രഹ്മാണ്ഡ സിനിമയാണ് 'വിലായത്ത് ബുദ്ധ'.

Related Stories

No stories found.
News Malayalam 24x7
newsmalayalam.com