ശിവകാര്ത്തികേയന് നായകനായി എ ആര് മുരുകദോസ് സംവിധാനം ചെയ്ത ചിത്രമാണ് മദ്രാസി. മാസ് ആക്ഷന് ത്രില്ലറില് ശിവകാര്ത്തികേയനെ ഒരു ആക്ഷന് ഹീറോ ആയാണ് അവതരിപ്പിച്ചിരിക്കുന്നത്. റിലീസിന് ശേഷം ചിത്രത്തിന് പ്രേക്ഷകരില് നിന്ന് മികച്ച പ്രതികരണമാണ് ലഭിച്ചത്. കൂടാതെ ബോക്സ് ഓഫീസിലും ചിത്രം മികച്ച പ്രകടനം കാഴ്ച്ചവെക്കുന്നുണ്ട്. ഇപ്പോഴിതാ രജനികാന്ത് സിനിമ കണ്ട് തന്നോട് പ്രശംസ അറിയിച്ച കാര്യം സമൂഹമാധ്യമത്തില് പങ്കുവെച്ചിരിക്കുകയാണ് ശിവകാര്ത്തികേയന്.
"എന്റെ ആരാധനാപാത്രമായ തലൈവറില് നിന്ന് മദ്രാസിക്കുള്ള അഭിനന്ദനം ലഭിച്ചു. എന്തൊരു പെര്ഫോമന്സ്, സൂപ്പര് എസ് കെ, എനിക്ക് ഒരുപാട് ഇഷ്ടപ്പെട്ടു. നിങ്ങള് ഒരു ആക്ഷന് ഹീറോ ആയി മാറി എന്നാണ് തലൈവര് പറഞ്ഞത്", എന്നാണ് ശിവകാര്ത്തികേയന് എക്സില് കുറിച്ചത്. കുറച്ച് ദിവസങ്ങള്ക്ക് മുന്നെ സംവിധായകരായ ശങ്കര്, ലിംഗുസ്വാമി, ആനന്ദ് ശങ്കര് എന്നിവരും ചിത്രത്തിനെ പ്രശംസിച്ച് രംഗത്തെത്തിയിരുന്നു.
രുക്മിണി വസന്ത് നായികയാകുന്ന ചിത്രത്തില് വിദ്യുത് ജമാല് ഒരു സുപ്രധാന കഥാപാത്രത്തെ അവതരിപ്പിക്കുന്നു. അനിരുദ്ധ് രവിചന്ദര് ആണ് ചിത്രത്തിന്റെ സംഗീത സംവിധാനം നിര്വഹിച്ചത്. സെപ്റ്റംബര് അഞ്ചിനായിരുന്നു ചിത്രം തിയേറ്ററിലെത്തിയത്.
ശ്രീ ലക്ഷ്മി മൂവീസ് നിര്മ്മിക്കുന്ന ചിത്രത്തില് ശിവകാര്ത്തികേയന്, രുക്മിണി വസന്ത് , വിദ്യുത് ജമാല്, ബിജു മേനോന്, ഷബീര് കല്ലറക്കല്, വിക്രാന്ത് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. മദ്രാസിയുടെ സിനിമാട്ടോഗ്രാഫി: സുധീപ് ഇളമണ്, എഡിറ്റിങ് : ശ്രീകര് പ്രസാദ്, കലാസംവിധാനം: അരുണ് വെഞ്ഞാറമൂട്, ആക്ഷന് കൊറിയോഗ്രാഫി : കെവിന് മാസ്റ്റര് ആന്ഡ് മാസ്റ്റര് ദിലീപ് സുബ്ബരായന്, പി ആര് ഓ ആന്ഡ് മാര്ക്കറ്റിംഗ് കണ്സല്ട്ടന്റ് : പ്രതീഷ് ശേഖര് എന്നിവരാണ്.