
ഗൗതം തിന്നൂരി സംവിധാനം ചെയ്ത വിജയ് ദേവരകൊണ്ട ചിത്രമാണ് കിങ്ഡം. കഴിഞ്ഞ ദിവസം ചിത്രം ഒടിടി പ്ലാറ്റ്ഫോമായ നെറ്റ്ഫ്ളിക്സില് സ്ട്രീമിംഗ് ആരംഭിച്ചിരുന്നു. ഭാഗ്യശ്രീ ബോര്സെയാണ് ആക്ഷന് ഡ്രാമയില് നായികയായി എത്തിയത്.
വിജയ് ദേവരകൊണ്ടയുടെ ആരാധകര് ചിത്രത്തിന്റെ ഒടിടി പതിപ്പിനായി ആകാംഷയോടെ കാത്തിരിക്കുകയായിരുന്നു. തിയേറ്റര് റിലീസിന് ശേഷം ചിത്രത്തിന്റെ ഒടിടി പതിപ്പില് 'ഹൃദയം ലോപാല' എന്ന ഗാനവും ഒരു കാര്ണിവല് ഫൈറ്റ് സീക്വന്സും ഉണ്ടാകുമെന്ന് സംവിധായകന് സൂചന നല്കിയിരുന്നു. എന്നാല് ഇവ രണ്ടും ചിത്രം നെറ്റ്ഫ്ളിക്സില് എത്തിയപ്പോള് ഉണ്ടായിരുന്നില്ല. അതിപ്പോള് ആരാധകരെ നിരാശരാക്കിയിരിക്കുകയാണ്. ഒരു പക്ഷെ യൂട്യൂബില് ചിത്രത്തില് ഇല്ലാത്ത രംഗങ്ങള് നിര്മാതാക്കള് റിലീസ് ചെയ്തേക്കാം. എന്നാല് അക്കാര്യത്തില് ഔദ്യേഗികമായ ഉറപ്പ് ഇതുവരെ വന്നിട്ടില്ല.
ജേഴ്സി എന്ന ചിത്രത്തിന് ശേഷം ഗൗതം തന്നൂരി സംവിധാനം ചെയ്ത ചിത്രമാണ് കിങ്ഡം. ജൂലൈ 31നാണ് ചിത്രം തിയേറ്ററിലെത്തിയത്. തമിഴ്, തെലുങ്ക് എന്നീ ഭാഷകളിലായിരുന്നു ചിത്രം റിലീസ് ചെയ്തത്. മലയാളി നടന് വെങ്കിടേഷാണ് ചിത്രത്തില് വില്ലന് ആയി എത്തിയത്.
വിജയ് ദേവരകൊണ്ട, ഭാഗ്യശ്രീ ബോര്സ്, രുക്മിണി വസന്ത് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. അനിരുദ്ധാണ് ചിത്രത്തിന്റെ സംഗീതം. സിത്താര എന്റര്ടെയ്മെന്റും ഫോര്ച്യൂണ് 4 ഉം ചേര്ന്ന് ആണ് സിനിമ നിര്മിച്ചത്.