രാവിലെ ഉണര്‍ന്നാല്‍ ഉടന്‍ ഒരു കുളി പാസാക്കി ദൈനംദിന കാര്യങ്ങളിലേക്ക് കടക്കുന്നവരാണ് നമ്മളില്‍ ഭൂരിഭാഗം പേരും. ചിലര്‍ പറയുന്നത് കേള്‍ക്കാറുണ്ട് രാവിലെ ഒരു കുളി കഴിഞ്ഞാലെ ഒരു ഉഷാറുള്ളു എന്ന്. എന്നാല്‍ കുളിക്കാന്‍ പേടിയുള്ള ചിലരും നമുക്കിടയിലുണ്ടെന്ന് അറിയാമോ ? മനശാസ്ത്ര വിദഗ്ദര്‍ അബ്ലൂട്ടോഫോബിയ എന്ന പേരിട്ട് വിളിക്കുന്ന ഈ അവസ്ഥ ഒരു മാനസിക പ്രശ്നമായാണ് വിലയിരുത്തുന്നത്.കുളിക്കാനോ ശരീരം വൃത്തിയാക്കാനോ ഒരു മനുഷ്യനുണ്ടാകുന്ന അമിത ഭയമാണ് അബ്ലൂട്ടോഫോബിയ എന്നറിയപ്പെടുന്നത്. അകാരണമായ ഭയം കൊണ്ട് മനുഷ്യരില്‍ സാധാരണമായി കണ്ടുവരുന്ന പലതരം ഫോബിയകള്‍ ഉണ്ടെങ്കിലും അബ്ലൂട്ടോഫോബിയ അസാധാരണമെന്നാണ് ആരോഗ്യ വിദഗ്ദരുടെ അഭിപ്രായം.
ആര്‍ക്കൊക്കെ ബാധിക്കും
പുരുഷൻമാരെക്കാള്‍ കൂടുതല്‍ സ്ത്രീകളിലും കുട്ടികളിലുമാണ് ഇത് കൂടുതലായി കാണപ്പെടുന്നത്. കുട്ടികളെ ബാധിക്കുന്ന ഫോബിയ ഭയം അവർ വളർച്ചയുടെ ഘട്ടങ്ങള്‍ പിന്നിടുന്നതോടെ ഇല്ലാതാകുന്നു. യൂറോപ്യൻ രാജ്യങ്ങളിലും മറ്റും അബ്ലുട്ടോഫോബിയ ഇപ്പോള്‍ സർവസാധാരണമാണ്. മനുഷ്യര്‍ ആധുനിക ജീവിതശൈലി ശീലിച്ച് തുടങ്ങിയത് മുതല്‍ യൂറോപ്പിലെ ഭൂരിഭാഗം പ്രദേശങ്ങളിലും താമസിച്ചിരുന്ന ആളുകൾക്ക് ദിവസേന കുളിക്കുന്ന ശീലമില്ലായിരുന്നു. ഇതുകൊണ്ടാകാം ഈ സ്ഥലങ്ങളില്‍ അബ്ലൂട്ടോഫോബിയ എന്ന മാനസികവൈകല്യം സർവ്വസാധാരണമായി മാറിയത്. മാത്രമല്ല കൂടുതല്‍ തവണ കുളിക്കുന്നത് ആരോഗ്യത്തിന് ഹാനികരമാണെന്ന വിശ്വാസവും അവര്‍ക്കിടയില്‍ നിലനിന്നിരുന്നു. കൂടാതെ കുളിക്കാതിരിക്കുമ്പോള്‍ ഉണ്ടാകുന്ന ദുര്‍ഗന്ധം ഒഴിവാക്കാന്‍ പെര്‍ഫ്യൂമുകള്‍ വ്യാപകമായി ഉപയോഗിച്ച് തുടങ്ങിയതോടെ ഈ വ്യവസായ മേഖലയും വിപുലമായി.
ലക്ഷണങ്ങള്‍
ചികിത്സ