ലോകത്തിലെ ഏറ്റവും പ്രായം കൂടിയ മുതലയായ ഹെൻറിക്ക് 2024 ൽ 124 വയസ്സ് തികയുന്നു. 1985 മുതൽ ദക്ഷിണാഫ്രിക്കയിലെ ക്രോക്ക്‌ വേൾഡിൽ കഴിയുന്ന ഹെൻറി 10,000-ത്തിലധികം കുഞ്ഞുങ്ങൾക്കാണ് ജന്മം നൽകിയത്.
1903ൽ ബോട്‌സ്‌വാനയിലെ ഒകാംവാഗോ ഡെൽറ്റയിൽ വെച്ചാണ് ഹെൻറിയെ അധികൃതർക്ക് ലഭിച്ചത്. എന്നാൽ കൃത്യമായി ഹെൻറിയുടെ ജനന തീയതി വ്യക്തമല്ല.
1985 ൽ മുതൽ ക്രോക്ക്‌വേൾഡിൽ കഴിയുന്ന ഹെൻറിക്ക് മികച്ച പരിപാലനവും ജീവിതാന്തരീക്ഷവും ഒരുക്കിയിട്ടുണ്ട്. ഒരു പക്ഷേ ഹെൻറിയുടെ ആയുസ് ഇത്രയാകാൻ ഇത്തരം സാഹചര്യങ്ങൾ കൊണ്ട് സാധിച്ചിട്ടുണ്ട് എന്ന് മണി കൺട്രോൾ റിപ്പോർട്ട് ചെയ്യുന്നു.
ഹെൻറിക്ക് ഏകദേശം 700 കിലോഗ്രാം (1,540 പൗണ്ട്) ഭാരവും 5 മീറ്റർ (16.4 അടി) നീളവുമുണ്ട്. സുരക്ഷിതമായ ചുറ്റുപാടുകൾ മൃഗങ്ങളുടെ ദീർഘായുസിന് നൽകുന്ന സംഭാവന വളരെ വലുതാണ്. ഗണ്യമായ സംഭാവന നൽകുന്നു. വേട്ടക്കാരുടെയോ രോഗങ്ങളുടെയോ മത്സരത്തിൻ്റെയോ അഭാവത്തിൽ, ഹെൻറി പോലുള്ളവയ്ക്ക് പതിറ്റാണ്ടുകളോളം ജീവിക്കാൻ കഴിയുമെന്നതിൻ്റെ ഉദാഹരണം കൂടിയാണിത്.
ഹെൻറിയുടെ ജീവിതം അതിജീവനത്തിൻ്റെയും, പ്രതിരോധത്തിൻ്റെയും, പ്രതീകമാണ്. 124 വയസിലും, ലോകമെമ്പാടുമുള്ള ശാസ്ത്രജ്ഞരെയും മൃഗസ്‌നേഹികളെയും തന്റെ ഊർജ്ജസ്വലതയും നിഗൂഢതയും കൊണ്ട് അത്ഭുതപ്പെടുത്തുകയാണ് ഹെൻറി.