ഹോർമോണുകളിലെ മാറ്റങ്ങളും, പ്രായപൂർത്തിയാകലും മൂലം കൗമാരക്കാരായ കുട്ടികൾക്ക് ശാരീരികവും മാനസികവുമായി പല പ്രശ്നങ്ങളും അനുഭവപ്പെടാം. ഈ സമയത്തെ ചർമ സംരക്ഷണം വളരെ പ്രധാനമാണ്. സപ്ലിമെൻ്റുകൾ, സെറം, ഫേഷ്യലുകൾ എന്നിവയ്കക്ക് പകരം അവരുടെ ഭക്ഷണത്തിൽ മാറ്റം വരുത്തുന്നതാകും ഉചിതമെന്ന് വിദഗ്ധർ അഭിപ്രായപ്പെടുന്നു. ചർമ സംരക്ഷണത്തിനായി നിങ്ങളുടെ കുട്ടികളുടെ ഭക്ഷണത്തിൽ ഉൾപ്പെടുത്തേണ്ട അഞ്ച് കാര്യങ്ങളെക്കുറിച്ച് അറിയാം.
ചീര, കാലെ, അരുഗുല എന്നിവ വെറും സാലഡ് ഫില്ലറുകൾ മാത്രമല്ല. വിറ്റാമിൻ സി, ഇ തുടങ്ങിയ ആൻ്റിഓക്സിഡുകൾ ഇതിൽ നിറഞ്ഞിരിക്കുന്നു. ഇവ അൾട്രാവയലറ്റ് വികിരണങ്ങളെയും അണുക്കളെയും ചെറുക്കുന്നു. ഇലക്കറികളിൽ ജലാംശം കൂടുതലായതിനാൽ ഇത് ചർമത്തിലെ ജലാംശം നിലനിർത്താൻ സഹായിക്കുന്നു.
മത്സ്യത്തിലും ഫ്ലാക്സ് സീഡുകളിലും ഒമേഗ-3 ഫാറ്റി ആസിഡുകൾ അടങ്ങിയിരിക്കുന്നു. ചർമത്തിന്റെ ആരോഗ്യത്തിന് സഹായിക്കുന്ന ഗുണകരമായ ആൻ്റി-ഇൻഫ്ലമേറ്ററി ഗുണങ്ങളും ഇവയ്ക്കുണ്ട്.
ബെറികളിൽ അടങ്ങിയിരിക്കുന്ന ആൻ്റിഓക്സിഡൻ്റുകൾ പഞ്ചസാരയുടെ അളവ് കുറയ്ക്കുന്നു. ആന്തോസയാനിനുകളുടെ അളവും ഇവയിൽ കൂടുതലാണ്. ബ്ലൂബെറി, സ്ട്രോബെറി അല്ലെങ്കിൽ റാസ്ബെറി എന്നിവ വിറ്റാമിൻ എ,സി, ഇ എന്നിവയാൽ സമ്പുഷ്ടമാണ്.
ബദാം, വാൽനട്ട്, ഉണക്കമുന്തിരി തുടങ്ങിയ ഉണങ്ങിയ പഴങ്ങളിലും നട്സുകളിലും ചർമത്തിന് ആവശ്യമായ ഫാറ്റി ആസിഡുകൾ അടങ്ങിയിട്ടുണ്ട്, ഇത് ചർമത്തിലെ ജലാംശവും ഇലാസ്തികതയും നിലനിർത്തുന്ന സൂക്ഷ്മ പോഷകങ്ങൾ നൽകുന്നു.
പ്രോബയോട്ടിക്കുകൾ "നല്ല" അല്ലെങ്കിൽ "സൗഹൃദ" ബാക്ടീരിയകൾ എന്ന് വിളിക്കപ്പെടുന്ന ജീവനുള്ള സൂക്ഷ്മാണുക്കളാണ്. തൈര് മതിയായ അളവിൽ കഴിക്കുന്നത് ഈ സൂക്ഷ്മാണുക്കൾ നിരവധി ആരോഗ്യ ഗുണങ്ങൾ നൽകുന്നു.
തൈര്, കെഫീർ, കിമ്മി, സോർക്രൗട്ട്, ചില സപ്ലിമെൻ്റുകൾ തുടങ്ങിയ പുളിപ്പിച്ച ഭക്ഷണങ്ങളിൽ സ്വാഭാവികമായി കാണപ്പെടുന്ന ഈ ജീവികൾ ചർത്തിൻ്റെ സന്തുലിതാവസ്ഥ പുനഃസ്ഥാപിക്കാൻ സഹായിക്കുന്നു. പുതിയ പഠനങ്ങൾ സൂചിപ്പിക്കുന്നത് പോലെ, പ്രോബയോട്ടിനുകൾക്ക് ചർമ്മത്തിലെ ജലാംശം വർധിപ്പിക്കാനും തിളക്കമുള്ള നിറം നൽകാനും കഴിയും.
കുടലിൻ്റെ ആരോഗ്യം പ്രോത്സാഹിപ്പിക്കുന്ന ഇവ, വയറിളക്കം, ഇറിറ്റബിൾ ബവൽ സിൻഡ്രോം (IBS), മലബന്ധം തുടങ്ങിയ പ്രശ്നങ്ങൾ ലഘൂകരിക്കും. പ്രോബയോട്ടിക് അടങ്ങിയ ഭക്ഷണങ്ങൾ പതിവായി കഴിക്കുന്നത് സന്തുലിതമായ ദഹനവ്യവസ്ഥ നിലനിർത്താനും സഹായിക്കും.
രോഗപ്രതിരോധ ശേഷി ദുർബലമായവരോ ഗുരുതരമായ ആരോഗ്യസ്ഥിതികൾ ഉള്ളവരോ പ്രോബയോട്ടിക് സപ്ലിമെൻ്റുകൾ ആരംഭിക്കുന്നതിന് മുമ്പ് ഒരു ആരോഗ്യ വിദഗ്ധനെ സമീപിക്കണം, കാരണം അത്തരക്കാർക്ക് അണുബാധയ്ക്കുള്ള സാധ്യത കൂടുതലാണ്.
കിവി , ഓറഞ്ച്
കിവിയും ഓറഞ്ചും വിറ്റാമിൻ സിയുടെ സമ്പന്നമായ ഉറവിടങ്ങളാണെന്നും ഇത് കൊളാജൻ്റെ രൂപീകരണത്തിന് സഹായിക്കുന്നുവെന്നും വിദഗ്ദർ അഭിപ്രായപ്പെടുന്നു. കൊളാജൻ ചർമത്തിന് അത്യാവശ്യമായ ഒന്നാണ്. വിറ്റാമിൻ സി ഒരു ആൻ്റിഓക്‌സിഡൻ്റായും പ്രവർത്തിക്കുന്നു, ഇത് നിങ്ങളുടെ ചർമ്മത്തെ ദൈനംദിന സമ്മർദത്തിൽ നിന്ന് സംരക്ഷിക്കുന്നു.
DISCLAIMER:ഭക്ഷണക്രമത്തിൽ മാറ്റങ്ങൾ വരുത്തുന്നതിന് മുൻപ് ആരോഗ്യ വിദഗ്ധനെ സമീപിക്കാൻ ശ്രദ്ധിക്കുക.