പുതിയൊരു വാഹനം സ്വന്തമാക്കിയാൽ ഫാൻസി നമ്പർ അല്ലെങ്കിൽ ഇഷ്ടനമ്പർ കിട്ടാനുള്ള ശ്രമമാണ് പലരും നടത്തുക. ഇതിനായി മോട്ടോർ വാഹനവകുപ്പിൻ്റെ സൈറ്റിൽ കയറി ഫാൻസി ലേലത്തിനായി രജിസ്റ്റർ ചെയ്യും. ലേലത്തിൽ പങ്കെടുത്തശേഷം പണം അടയ്ക്കാതെ മുങ്ങാമെന്ന് കരുതേണ്ട. കനത്ത നടപടിയാവും നിങ്ങളെ കാത്തിരിക്കുക.
റവന്യൂ റിക്കവറി അടക്കമുള്ള നടപടികളാണ് നേരിടേണ്ടി വരുക. കൂടാതെ ഭാവിയിൽ നിങ്ങൾക്ക് ലേലത്തിൽ പങ്കെടുക്കാനുള്ള അവസരവും നഷ്ടമാവും. വാഹനത്തിൻ്റെ രജിസ്ട്രേഷൻ അടക്കമുള്ള കാര്യങ്ങളെയും ഇത് ബാധിക്കും. അതുകൊണ്ട് ആവേശത്തിൽ ലേലത്തിൽ പങ്കെടുക്കരുത്.
ലേലത്തിൽ പങ്കെടുക്കുമ്പോൾ ശ്രദ്ധിക്കേണ്ട കാര്യങ്ങൾ
കൃത്യമായ ധാരണയോടെ ലേലത്തിൽ പങ്കെടുക്കുക
ലേലത്തുക വിളിച്ച ശേഷം പിന്മാറാതിരിക്കുക
തുക എത്രയാണ് കൊടുക്കാൻ ഉദേശിക്കുന്നതെന്ന് ധാരണയുണ്ടാകണം
നിയമങ്ങൾ വായിച്ച് നോക്കിയ ശേഷം ലേലത്തിൽ പങ്കെടുക്കുക