നാട്ടിലുണ്ടായിട്ടും വോട്ട് ചെയ്യാത്ത വോട്ടർമാർ; നമ്പ്യാർകുന്നിലെ കഥയ്ക്ക് പിന്നിലെ ട്വിസ്റ്റ്

വയനാട്: കേരളവും തമിഴ്നാടും ഇടകലർന്നു കിടക്കുന്ന പ്രദേശമാണ് നമ്പ്യാർകുന്ന്. ഇവിടുത്തെ 200ലധികം മലയാളികൾ വോട്ട് രേഖപ്പെടുത്തുന്നത് തമിഴ്നാട്ടിലാണ്. മലയാളികൾ ആണെങ്കിലും തമിഴ്നാട്ടിൽ വോട്ട് രേഖപ്പെടുന്നത്തിൽ സന്തോഷമുണ്ടെന്നാണ് ഇവരുടെ അഭിപ്രായം.

തെരഞ്ഞെടുപ്പ് കാലത്ത് നമ്പ്യാർകുന്ന് അങ്ങാടിയിലെ ഒരു റോഡിനിപ്പുറം മാത്രം സ്ഥാനാർത്ഥികളുടെ പോസ്റ്ററുകൾ കൊണ്ട് നിറയും. വോട്ടില്ലെങ്കിലും പ്രാചരണ സമയത്ത് ആളുകൾ അതിർത്തിക്കപ്പുറമെത്തി സഹകരിക്കും.