ബന്ദികളെ മോചിപ്പിക്കണമെന്ന് ഹമാസിന് മുന്നറിയിപ്പുമായി നിയുക്ത യുഎസ് പ്രസിഡൻ്റ് ഡൊണാൾഡ് ട്രംപ്. ഞാൻ അധികാരത്തിൽ എത്തുന്നതിന് മുൻപ് ബന്ദികളെ മോചിപ്പിക്കണം, ഇല്ലെങ്കിൽ എല്ലാ നരകവും തകർക്കുമെന്നാണ് ഡൊണാൾഡ് ട്രംപിൻ്റെ മുന്നറിയിപ്പ്. അമേരിക്കയുടെ 47ാമത് പ്രസിഡൻ്റായി സത്യപ്രതിജ്ഞ ചെയ്യുന്ന ജനുവരി 20 ആണ് ട്രംപ് ഹമാസിന് അവസാനതീയതിയായി നൽകിയിരിക്കുന്നത്.
"ആ ബന്ദികൾ തിരിച്ചെത്തിയില്ലെങ്കിൽ, നിങ്ങളുടെ ചർച്ചയെ വ്രണപ്പെടുത്താൻ ഞാൻ ആഗ്രഹിക്കുന്നില്ല. ഞാൻ അധികാരത്തിൽ എത്തുമ്പോഴേക്കും അവർ തിരിച്ചെത്തിയില്ലെങ്കിൽ, അറബ് രാജ്യങ്ങൾ മുഴുവൻ തകർക്കും, " ഫ്ലോറിഡയിലെ മാർ-എ-ലാഗോയിൽ മാധ്യമങ്ങളോട് സംസാരിക്കുന്നതിനിടെയായിരുന്നു ട്രംപിൻ്റെ അന്ത്യശാസനം. അമേരിക്കൻ ബന്ദികളെ മോചിപ്പിക്കുന്നതുമായി ബന്ധപ്പെട്ട് ഹമാസുമായുള്ള ചർച്ചകളുടെ സ്ഥിതിയെക്കുറിച്ചുള്ള ചോദ്യത്തോട് പ്രതികരിക്കുകയായിരുന്നു അദ്ദേഹം. ഈ മേഖലയിൽ നിന്ന് മടങ്ങിയെത്തിയ മിഡിൽ ഈസ്റ്റിലെ പ്രത്യേക പ്രതിനിധി സ്റ്റീവൻ ചാൾസ് വിറ്റ്‌കോഫ്, അവർ അതിൻ്റെ വക്കിലാണെന്ന് മാധ്യമപ്രവർത്തകരോട് പറഞ്ഞു.
"ജനുവരി 20നകം എല്ലാ ബന്ദികളെയും മോചിപ്പിക്കണമെന്ന് ഒരു ചോദ്യത്തിന് മറുപടിയായി ട്രംപ് ഹമാസിന് മുന്നറിയിപ്പ് നൽകി. ഇത് ഹമാസിന് ഗുണകരമാകില്ല, ആർക്കും നല്ലതുമല്ല. എല്ലാ നരകവും തകർക്കും. ഞാൻ ഇനി പറയേണ്ടതില്ല, പക്ഷേ അത് സംഭവിക്കും. ബന്ദികളെ വളരെക്കാലം മുമ്പേ അവർ തിരികെ അയക്കേണ്ടതായിരുന്നു. ഒക്‌ടോബർ ഏഴിൻ്റെ ആക്രമണം ഒരിക്കലും ഉണ്ടാകാൻ പാടില്ലായിരുന്നു. ആളുകൾ അത് മറക്കുന്നു, പക്ഷേ അവിടെ നിരവധി ആളുകൾ കൊല്ലപ്പെട്ടു," ട്രംപ് പറഞ്ഞു.
"അവർ ഇനി ബന്ദികളല്ല. എന്നെ ഇസ്രായേലിൽ നിന്നുള്ള ആളുകളും മറ്റും വിളിക്കുന്നു, എന്നോട് അഭ്യർഥിക്കുന്നു - അമേരിക്കയിൽ നിന്നുള്ള ആളുകളെ ബന്ദികളെന്ന് പറഞ്ഞ് അവർ പിടിച്ചുവെച്ചിരിക്കുകയാണ്. അമ്മമാർ എൻ്റെ അടുത്ത് വരുന്നു, അച്ഛന്മാർ കരയുന്നു. അവരുടെ മകൻ്റെയും മകളുടെയുമെല്ലാം മൃതദേഹം തിരികെ ലഭിക്കുമോയെന്ന് ചോദിക്കുന്നു," ട്രംപ് പറഞ്ഞു.