സിഎംആര്എല് എക്സാലോജിക് ഇടപാടില് മുഖ്യമന്ത്രിക്കും മകള് വീണ .ടിക്കും നോട്ടീസ് അയച്ച് ഹൈക്കോടതി. സിബിഐ അന്വേഷണം ആവശ്യപ്പെട്ടുകൊണ്ടുള്ള ഹര്ജിയിലാണ് നോട്ടീസ് അയച്ചിരിക്കുന്നത്.
ഹര്ജി മെയ് 20ന് വീണ്ടും പരിഗണിക്കും. അതിന് മുമ്പായി നോട്ടീസിന് മറുപടി നല്കാനാണ് നിര്ദേശം. അതിനോടൊപ്പം തന്നെ കേസുമായി ബന്ധപ്പെട്ട് കേസില് ഉള്പ്പെട്ടവരുടെ വിശദാംശങ്ങള് മുദ്രവെച്ച കവറില് ഹാജരാക്കാനും നിര്ദേശിച്ചിട്ടുണ്ട്.
മാധ്യമ പ്രവര്ത്തകന് എം.ആര്. അജയനാണ് സിഎംആര്എല്-എക്സാലോജിക് സാമ്പത്തിക ഇടപാടില് മുഖ്യമന്ത്രി പിണറായി വിജയനും മകള് വീണ വിജയനുമെതിരെ സിബിഐ അന്വേഷണം ആവശ്യപ്പെട്ട് ഹൈക്കോടതിയില് ഹര്ജി നല്കിയത്. പൊതുതാല്പര്യ ഹര്ജി നല്കിയത്. ഹര്ജി ഹൈക്കോടതി നാളെ പരിഗണിക്കും.
ഇന്ററിം സെറ്റില്മെന്റ് ബോര്ഡിലെ രേഖകളുടെ അടിസ്ഥാനത്തില് അന്വേഷണം സിബിഐക്ക് വിടണമെന്നാണ് ഹര്ജിയിലെ ആവശ്യം. സിഎംആര്എല്, എക്സാലോജിക്, ശശിധരന് കര്ത്ത, സിഎംആര്എല് ഉദ്യോഗസ്ഥര് ഉള്പ്പടെയുള്ളവരാണ് മറ്റ് എതിര്കക്ഷികള്.