
കോട്ടയം അതിരമ്പുഴ പഞ്ചായത്ത് മെമ്പറെയും പെൺമക്കളെയും കാണാനില്ലെന്ന് പരാതി. പഞ്ചായത്ത് മെമ്പറായ ഐസി സാജൻ, മക്കളായ അമലയ, അമയ എന്നിവരെയാണ് കാണാതായത്. സംഭവത്തിൽ ഏറ്റുമാനൂർ പൊലീസ് കേസെടുത്തിട്ടുണ്ട്. പൊലീസിനും ഭർതൃ വീട്ടുകാർക്കുമെതിരെ ഫേസ്ബുക്ക് പോസ്റ്റ് ഇട്ട ശേഷമാണ് മൂവരേയും കാണാതായത്. ഭർതൃമാതാവിൻ്റെ പീഡനം സഹിക്കാൻ കഴില്ലെന്നാണ് പോസ്റ്റിൽ പറയുന്നത്.
ഐസിയുടെ ഭർത്താവ് സാജൻ നേരത്തെ മരണപ്പെട്ടിരുന്നു. 50 ലക്ഷം രൂപ ഭർതൃ വീട്ടുകാരിൽ നിന്നും വാങ്ങി നൽകാമെന്ന ഉറപ്പ് പൊലീസ് പാലിച്ചില്ലെന്നും പോസ്റ്റിൽ പറയുന്നുണ്ട്. ഭർതൃവീട്ടുകാർക്കെതിരെ യുവതി നേരത്തെ സ്വത്ത് തർക്കത്തിന് പരാതി നൽകിയിരുന്നു. അതേസമയം യുവതിയുടെ ഫോൺ ലൊക്കേഷൻ തൃപ്പൂണിത്തുറ ഭാഗത്ത് ലഭിച്ചുവെന്ന് പൊലീസ് അറിയിച്ചു.