പാലക്കാട് കരോൾ തടഞ്ഞ സംഭവത്തിൽ പ്രതികരണവുമായി കെ. സുരേന്ദ്രൻ. വിശ്വ ഹിന്ദു പരിഷത്തിന്റെയോ സംഘപരിവാറിന്റെയോ ഉത്തരവാദിത്തപ്പെട്ട ആരും പാലക്കാട് കരോൾ തടയാൻ ഉണ്ടായിട്ടില്ല. സംഭവത്തിൽ ശക്തമായ നടപടി വേണമെന്നും സുരേന്ദ്രൻ പറഞ്ഞു.
കരോൾ തടഞ്ഞതിൽ ഗൂഡാലോചനയും സംശയിക്കുന്നുണ്ട്. അടുത്തിടെ ബിജെപി വിട്ടുപോയവർ ഇതിനു പിന്നിൽ ഉണ്ടോയെന്ന് പരിശോധിക്കണമെന്നും സുരേന്ദ്രൻ ആവശ്യപ്പെട്ടു. ബിജെപിയുമായി പുലബന്ധമുള്ള ആരെങ്കിലും ഇതിനു പിന്നിൽ ഉണ്ടെങ്കിൽ പോലും പാർട്ടിയിൽ ഉണ്ടാവില്ലെന്നും അദ്ദേഹം പറഞ്ഞു.
ബിജെപിയുമായി ക്രൈസ്തവ സമൂഹം അടുക്കുന്നത് ഇഷ്ടമില്ലാത്തവരാണ് ഇതിനു പിന്നിൽ. ളോഹയിട്ട ഭീകരന്മാർ എന്നു പറഞ്ഞ വയനാട് ജില്ലാ പ്രസിഡന്റിനെ തത്ക്ഷണം പാർട്ടിയിൽ നിന്നും പുറത്താക്കിയിട്ടുണ്ട്. മൂന്നുമാസത്തിനകം ഇയാളെ കോൺഗ്രസ് മാലയിട്ടു സ്വീകരിച്ചുവെന്നും സുരേന്ദ്രൻ കൂട്ടിചേർത്തു.