ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ജാമ്യം റദ്ദാക്കണമെന്ന ഇ.ഡിയുടെ ഹർജി പരിഗണിക്കുന്നത് ജൂലൈ 15ലേക്ക് മാറ്റി. കെജ്രിവാള് നല്കിയ മറുപടിയില് സത്യവാങ്മൂലം സമർപ്പിക്കുവാൻ കൂടുതല് സാവകാശം വേണമെന്ന് ഇ.ഡി ഡൽഹി ഹൈക്കോടതിയോട് ആവശ്യപ്പെട്ടിരുന്നു. ഇ.ഡിയുടെ അഭ്യർത്ഥന മാനിച്ചാണ് ഹൈക്കോടതിയുടെ ഈ നടപടി.
താൻ എൻഫോഴ്സ്മെൻ്റ് ഡയറക്ടറേറ്റിൻ്റെ (ഇ.ഡി) മന്ത്രവാദ വേട്ടയുടെ ഇരയാണെന്നും, കള്ളപ്പണം വെളുപ്പിക്കൽ കേസിൽ ജാമ്യം റദ്ദാക്കുന്നത് നീതിനിഷേധത്തിന് തുല്യമാണെന്നും മുഖ്യമന്ത്രി അരവിന്ദ് കെജ്രിവാൾ ഡൽഹി ഹൈക്കോടതിയെ അറിയിച്ചു. കേസിലെ മറ്റ് കൂട്ടുപ്രതികളെ സമ്മർദ്ദത്തിലാക്കുകയും, പ്രോസിക്യൂഷൻ്റെ എതിർപ്പില്ല എന്നതിന് പകരം കുറ്റകരമായ മൊഴിയെടുക്കാൻ അവരെ പ്രേരിപ്പിക്കുകയും ചെയ്യുന്ന നിയമവിരുദ്ധമായ നടപടികളാണ് ഇ.ഡി പ്രയോഗിക്കുന്നതെന്ന് കെജ്രിവാളിന്റെ അഭിഭാഷകൻ ആരോപിച്ചു.
ജൂൺ 20ന് റോസ് അവന്യൂ കോടതിയിലെ അവധിക്കാല ജഡ്ജി നിയയ് ബിന്ദുവാണ് കെജ്രിവാളിന് ജാമ്യം അനുവദിച്ചത്. തുടർന്ന് വിധി ചോദ്യം ചെയ്ത് ഇ.ഡി ഡൽഹി ഹൈക്കോടതിയെ സമീപിച്ചതോടെ, ജൂൺ 25ന് ജാമ്യം നൽകിയ ഉത്തരവ് ഹൈക്കോടതി സ്റ്റേ ചെയ്തിരുന്നു.