
വയനാട് കളളാടി ദുരന്തം കഴിഞ്ഞ് മൂന്ന് മാസം പിന്നിട്ടിട്ടും പ്രദേശവാസികളുടെ പുനരധിവാസം അനിശ്ചിതത്വത്തിൽ. നിർത്തിവെച്ച തുരങ്കപാതയുടെ നിർമാണപ്രവർത്തികളും പുനരാരംഭിച്ചിട്ടില്ല. ദുരന്തബാധിതർക്ക് വാഗ്ദാനം ചെയ്ത വാടക മൂന്ന് മാസം കഴിഞ്ഞിട്ടും കിട്ടിയില്ല. ഒൻപത് കുടുംബങ്ങളോടാണ് മാറി താമസിക്കാൻ ആവശ്യപ്പെട്ടത്. വാടക ലഭിക്കാതായതോടെ ദുരന്തബാധിതർ വീടുകളിലേക്ക് തിരികെയെത്തി. മാറി താമസിക്കേണ്ടി വന്നത് കുട്ടികളുടെ പഠനത്തെ ബാധിച്ചെന്നും ദുരിതബാധിതർ പറഞ്ഞു. ജോലിക്ക് പോകാന് കഴിയാത്ത സാഹചര്യമാണ്. സർക്കാർ ഇടപെട്ട് ഉടൻ സഹായം ലഭ്യമാക്കണം എന്നാണ് ദുരിത ബാധിതരുടെ ആവശ്യം.
സൗദി അറേബ്യയില് ഹൂതി ആക്രമണങ്ങളില് മൂന്ന് മരണം. 36 പേർക്ക് പരിക്കേറ്റു. പ്രത്യാക്രമണത്തില് ഹൂതികളുടെ സൈനിക കേന്ദ്രങ്ങള് തകർത്തതായി സൗദി പറഞ്ഞു. 82 ഹൂതി കേന്ദ്രങ്ങള് തകർത്തതായി സൗദിയുടെ അവകാശവാദം.
കളമശ്ശേരി കൂട്ടബലാത്സംഗ കേസിൽ കൂടുതൽ പ്രതികളുണ്ടെന്ന നിഗമനത്തിൽ പൊലീസ്. പിടിയിലായ ആദ്യ രണ്ടു പ്രതികളുമായി പൊലീസ് തെളിവെടുപ്പ് നടത്തും. ഒന്നും രണ്ടും പ്രതികളായ ശ്രീരാജ്, ജിത്ത് എന്നിവരെ മൂന്നു ദിവസത്തെ പൊലീസ് കസ്റ്റഡിയിൽ വിട്ടിരുന്നു. ഇവരെ വിശദമായി ചോദ്യം ചെയ്യാനാണ് പൊലീസിന്റെ നീക്കം. ഏറെ ഞെട്ടൽ ഉണ്ടാക്കിയ കേസിൽ പ്രതികളെ കസ്റ്റഡിൽ വാങ്ങി ചോദ്യം ചെയ്യുന്നത് അന്വേഷണത്തിൽ നിർണായകമാണ് എന്നാണ് അധികൃതർ പറയുന്നത്. കേസില് ഇന്നലെ പിടിയിലായ പ്രതികളെയും സമാന രൂപത്തിൽ കസ്റ്റഡിയിൽ വാങ്ങി ചോദ്യം ചെയ്യാനാണ് തീരുമാനം.
അധ്യാപികമാർ പ്രതികളായ വടകര എംഡിഎംഎ കേസില് കൂത്താളി സ്വദേശി അനസിനെയും പ്രതിചേർത്തു. കൊയിലാണ്ടി സബ് ജയിലിൽ കഴിയുന്ന പ്രതിയെ ജയിലിലെത്തിയാണ് അറസ്റ്റ് രേഖപ്പെടുത്തിയത്. കേസിൽ ആറാം പ്രതിയാണ് അനസ്. ലഹരി കച്ചവടത്തിന്റെ സാമ്പത്തിക ഇടപാടുകൾക്ക് അനസ് സഹായം നൽകി എന്നാണ് കണ്ടെത്തൽ. ലഹരി ആവശ്യക്കാർക്ക് ലൊക്കേഷൻ അയച്ചു നൽകിയതും അനസാണ്.
ഡല്ഹിയില് ഗ്യാനേഷ് കുമാറിനെതിരായ പ്രതിഷേധത്തെ നേരിടുന്ന പൊലീസുകാര്ക്ക് ബോഡി ക്യാമറ നിര്ബന്ധമാക്കി. ലൈംഗിക അതിക്രമം ഉള്പ്പെടെ പരാതികൾ ഒഴിവാക്കാനും, പ്രക്ഷോഭകരുടെ ആരോപണങ്ങൾ ഡിജിറ്റൽ തെളിവുകൾ ഉപയോഗിച്ച് നേരിടാനും ലക്ഷ്യമിട്ടാണ് ഡല്ഹി പൊലീസിന്റെ നടപടി. നീറ്റ് പരീക്ഷാ ക്രമക്കേടുമായി ബന്ധപ്പെട്ട് സിജെപി ജന്തര് മന്തറില് നടത്തിയ പ്രക്ഷോഭത്തിനിടെ വനിതകളെ തെരഞ്ഞുപിടിച്ച് ക്രൂരമായി ആക്രമിച്ചതായി ഡല്ഹി പൊലീസിനെതിരെ പരാതി ഉയര്ന്നിരുന്നു.
മലപ്പുറത്തിനെതിരായ സിപിഐഎം നേതാവും മുന് എംഎല്എയുമായ പി. നന്ദകുമാറിന്റെ പ്രസ്താവനയ്ക്കെതിരെ സമസ്തയുടെ പ്രമേയം. മതസൗഹാര്ദത്തിനും മനുഷ്യ സ്നേഹത്തിനും പേരുകേട്ട മലപ്പുറത്തെ ജനങ്ങളെ അവഹേളിക്കുന്നവിധം നടത്തിയ പ്രസ്താവന അപലപനീയവും പ്രതിഷേധാര്ഹവുമാണ്. വസ്തുതകള്ക്ക് നിരക്കാത്ത ഇത്തരം പ്രസ്താവനകള് ജനങ്ങള്ക്കിടയില് വിദ്വേഷം സൃഷ്ടിക്കാനും പരസ്പരം അകറ്റാനുമേ ഉപകരിക്കൂ. രാജ്യത്ത് വര്ഗീയ കലഹങ്ങള് ഏറ്റവും കുറവുള്ള ജില്ലയായാണ് മലപ്പുറത്തെ പൊതുവെ വിലയിരുത്താറുള്ളതെന്നും പ്രമേയത്തില് പറയുന്നു.
സംസ്ഥാന വനിതാ കമ്മീഷന് ആസ്ഥാനത്ത് വിജിലന്സ് പരിശോധന. കമ്മീഷന് അംഗങ്ങൾ സാമ്പത്തിക ധൂർത്ത് നടത്തുന്നു എന്ന പരാതിയുടെ അടിസ്ഥാനത്തിലാണ് പരിശോധന. ഉദ്യോഗസ്ഥ ഭരണപരിഷ്കാര വകുപ്പിന്റെ ആഭ്യന്തര വിജിലൻസിന്റേതാണ് പരിശോധന.
മുഖ്യ തെരഞ്ഞെടുപ്പ് കമ്മീഷണര് ഗ്യാനേഷ് കുമാറിന്റെ രാജി ആവശ്യപ്പെട്ടുള്ള സിജെപി പ്രതിഷേധത്തിന് ബംഗളൂരുവില് തുടക്കം. സിജെപി നേതാക്കളായ അഭിജീത് ദീപ്കെ, സൗരവ് ദാസ് എന്നിവര്ക്കൊപ്പം നടന് പ്രകാശ് രാജ്, ഇന്ഫ്ളുവന്സര് ധ്രുവ് റാത്തി, എസ്എഫ്ഐ നേതാവ് ഐഷി ഘോഷ് ഉള്പ്പെടെ പ്രതിഷേധത്തില് പങ്കെടുക്കുന്നുണ്ട്. ഫ്രീഡം പാര്ക്കിലാണ് പ്രതിഷേധം.
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് മൂന്നാംദിനവും പ്രതിപക്ഷം തെരുവില്. കൊണാട്ട് പ്ലേസിലെ റസ്റ്ററന്റില് കോൺഗ്രസ് അധ്യക്ഷൻ മല്ലികാർജുൻ ഖാർഗെ ഒരുക്കിയ ഉച്ചഭക്ഷണ വിരുന്നിൽ പങ്കെടുത്ത പ്രതിപക്ഷ എംപിമാർ രണ്ട് ബസുകളിലായി രാജ്ഘട്ടിലേക്ക് പുറപ്പെട്ടു. ഗാന്ധി സമാധിയില് സമാധാനപരമായി പ്രാര്ഥന നടത്താന് പോകുന്നുവെന്നാണ് ഖാര്ഗെ പ്രതികരിച്ചത്. ബസിനൊപ്പം നിരവധി പ്രവര്ത്തകര് കാല്നടയായി അനുഗമിക്കുന്നുണ്ട്. രാജ്ഘട്ടിനു മുന്നില് വിവിധ പാര്ട്ടികളുടെ പ്രവര്ത്തകരും അണിനിരന്നിട്ടുണ്ട്. എന്നാല്, രാജ്ഘട്ടില് പ്രതിഷേധം നടത്തുന്നതിന് ഇതുവരെ അനുമതി നല്കിയിട്ടില്ല. അതിനാല്, രാജ്ഘട്ട് യാത്രക്കിടെ എംപിമാരുടെ ബസ് പൊലീസ് തടയുമോ എന്നതാണ് പ്രധാന വിഷയം. ഇതുവരെ പൊലീസിന്റെ ഭാഗത്തുനിന്ന് അത്തരമൊരു നീക്കം ഉണ്ടായിട്ടില്ല. അതേസമയം, ഡിഡിയു മാര്ഗില് പൊലീസ് ബാരിക്കേഡുകള് സ്ഥാപിച്ചിട്ടുണ്ട്.
തുടര്ച്ചയായ മൂന്നാം ദിവസമാണ് പ്രതിപക്ഷത്തിന്റെ സമരം. ആദ്യദിനത്തിൽ തെരഞ്ഞെടുപ്പ് കമ്മീഷന് ആസ്ഥാനത്തേക്കായിരുന്നു പ്രതിപക്ഷ എംപിമാരുടെ മാര്ച്ച്. അത് പൊലീസ് തടഞ്ഞതോടെ ആകാശവാണി വളപ്പ് കുത്തിയിരിപ്പ് സമരത്തിന് വേദിയായി. രണ്ടാം ദിവസം കൊണാട്ട് പ്ലേസില് നിന്ന് ജന്തര് മന്തറില് എത്തി പ്രതിഷേധിക്കാനായിരുന്നു നീക്കം. എന്നാല് മാര്ച്ച് പൊലീസ് തടഞ്ഞു. രണ്ടു ദിവസവും പൊലീസ് എംപിമാരെ കസ്റ്റഡിയിലെടുത്ത് നീക്കിയാണ് പ്രതിഷേധത്തെ നേരിട്ടത്. ഇന്നും വലിയ സേനാ വിന്യാസമാണ് ഡല്ഹിയില് ഒരുക്കിയിരിക്കുന്നത്. കൊണാട്ട് പ്ലേസിലും പരിസരങ്ങളും പൊലീസ് കനത്ത സുരക്ഷയാണ് ഒരുക്കിയിരിക്കുന്നത്.
കാസർഗോഡ് കേന്ദ്ര സർവകലാശാലയിൽ അഞ്ച് വിദ്യാർഥി നേതാക്കളെ സസ്പെൻഡ് ചെയ്തു. വന്ദേമാതരം സെമിനാർ വേദിയിലെ പ്രതിഷേധമാണ് സസ്പെൻഷൻ നടപടിയിലേക്ക് നയിച്ചത്. രണ്ടാഴ്ചത്തേക്കാണ് സസ്പെൻഷൻ. ഇത് സംബന്ധിച്ച അന്വേഷണം പൂർത്തിയാകുന്നതുവരെ ഹോസ്റ്റലിലോ സർവകലാശാല ക്യാമ്പസിലോ വിദ്യാർഥികൾ പ്രവേശിക്കരുതെന്നാണ് നിർദ്ദേശം.
പ്രിയദർശിനി ബസിൽ വിദ്യാർത്ഥിനിക്ക് നേരെ ലൈംഗിക അതിക്രമം. താമരശ്ശേരി–കുന്ദമംഗലം യാത്രയ്ക്കിടെ മണ്ണിൽക്കടവിൽ വെച്ചാണ് അതിക്രമം നടന്നത്. വിദ്യാർത്ഥിനിയുടെ പരാതിയിൽ കൊടുവള്ളി പോലീസ് കേസെടുത്തു. പ്രതിയെ കണ്ടെത്താൻ കഴിയാതെ പോലീസ് അന്വേഷണം തുടരുന്നു. ശല്യം സഹിക്കാതെ വിദ്യാർത്ഥിനി ബസിൽ കരഞ്ഞതോടെ സഹയാത്രക്കാർ ഇടപെടുകയായിരുന്നു. പ്രിയദർശിനി ബസുകളിൽ സ്ത്രീകൾക്ക് നേരെ അതിക്രമവും മോഷണവും പതിവാകുന്നതായി യാത്രക്കാർ ആരോപിച്ചു.
മദ്യപിച്ച് വാഹനമോടിച്ച പൊലീസ് ഉദ്യോഗസ്ഥൻ അപകടം ഉണ്ടാക്കി. മാന്നാർ പൊലീസ് സ്റ്റേഷനിലെ ഉദ്യോഗസ്ഥൻ സുധീഷ് സഞ്ചരിച്ച വാഹനമാണ് അപകടത്തിൽപ്പെട്ടത്. ഇന്ന് രാത്രി അടൂർ ടൗണിലാണ് അപകടം. ഇയാൾ സഞ്ചരിച്ച കാർ നിർത്തിയിട്ട മറ്റൊരു വാഹനത്തിൻ്റെ പിന്നിൽ ഇടിക്കുകയായിരുന്നു.
കോഴിക്കോട് കാക്കൂരിൽ യുവതിയെ കുത്തിപ്പരിക്കേൽപ്പിച്ചു. പുന്നശ്ശേരിയിൽ യുവതിയെ ഒപ്പം താമസിച്ചിരുന്ന യുവാവാണ് കുത്തിയത്. കരിയാത്തൻകാവ് സ്വദേശി അഖിലയ്ക്കാണ് പരിക്ക്. ബാലുശ്ശേരി സ്വദേശി ശ്രീബിനാണ് കുത്തിയത്. വയറിനും കൈകൾക്കും പരിക്കേറ്റ യുവതിയെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവത്തിൽ ശ്രീബിനെ കാക്കൂർ പൊലീസ് കസ്റ്റഡിയിലെടുത്തു.