കെഎസ്ആര്‍ടിസിയിലെ ആശ്രിത നിയമന നടപടികള്‍ നിലച്ചു; തടസം പ്രമുഖ യൂണിയന്റെ എതിര്‍പ്പ്

വിദേശ റഫറിമാർക്ക് ലൈംഗിക സേവനങ്ങൾക്കായി പണം നൽകിയെന്ന ആരോപണം ഉൾപ്പെടെ വിവാദങ്ങളിൽ മാപ്പ് പറഞ്ഞ് ദക്ഷിണ കൊറിയൻ ഫുട്ബോൾ അസോസിയേഷൻ. ഒരു ദശാബ്ദത്തിലേറെ പഴക്കമുള്ള സംഭവങ്ങളാണ് ഇപ്പോൾ പുറത്തുവന്നതെന്നും, ഇത്തരം പ്രവർത്തനങ്ങളോ കോർപ്പറേറ്റ് കാർഡ് ദുരുപയോഗമോ നിലവിൽ അസോസിയേഷനിൽ നടക്കുന്നില്ലെന്നും കെഎഫ്എ വ്യക്തമാക്കി. 2010കളുടെ തുടക്കത്തിൽ റഫറിമാർക്കായി കെഎഫ്എ കാർഡിൽ നിന്ന് 56 ലക്ഷം വോൺ, ചെലവഴിച്ചെന്നാണ് റിപ്പോർട്ട്.

ശ്രീലങ്കയ്‌ക്കെതിരായ നിർണായക ടെസ്റ്റ് പരമ്പരയ്ക്ക് ഒരുങ്ങി ഇന്ത്യ. ആദ്യ ടെസ്റ്റ് ശനിയാഴ്ച ഗാലെയിൽ നടക്കും. ലോക ടെസ്റ്റ് ചാംപ്യൻഷിപ്പ് ഫൈനൽ ലക്ഷ്യമിടുന്ന ഇന്ത്യക്ക് പരമ്പരനേട്ടം അനിവാര്യമാണ്. പരിശീലകസ്ഥാനം നിലനിർത്താൻ ഗംഭീറിനും പരമ്പര നിർണായകം.

യുവേഫ സൂപ്പർ കപ്പ് കിരീടം നിലനിർത്തി പിഎസ്‌ജി. ഓസ്ട്രിയയിലെ സാൽസ്‌ബുർഗ്‌ റെഡ്‌ബുൾ അരീനയിൽ നടന്ന കലാശ പോരാട്ടത്തിൽ ആസ്റ്റൺ വില്ലയെ 2-1ന് തോൽപ്പിച്ചാണ് പിഎസ്‌ജി തുടർച്ചയായ രണ്ടാം കിരീടം സ്വന്തമാക്കിയത്. ഖ്വിച ക്വരാത്‌സ്‌ഖേലിയ (20), ഡെസിറെ ഡൂവെ (61) എന്നിവരാണ് പിഎസ്‌ജിക്കായി വല കുലുക്കിയത്. ബ്രയാൻ മാഡ്ജോ (45) ആസ്റ്റണ്‍ വില്ലയ്ക്കായി ആശ്വാസ ഗോള്‍ നേടി. ലൂയിസ്‌ എൻറിക്വെയുടെ കീഴിൽ പിഎസ്‌ജിയുടെ 13-ാം കിരീടമാണിത്. റയൽ മാഡ്രിഡിനുശേഷം (2016, 2017) കപ്പ്‌ നിലനിർത്തുന്ന ആദ്യ ടീമെന്ന വിശേഷണവും സ്വന്തം. കഴിഞ്ഞ തവണ ടോട്ടനം ഹോട്‌സ്‌പറിനെയായിരുന്നു പിഎസ്‌ജി തോല്‍പ്പിച്ചത്.

വിരമിക്കൽ അഭ്യൂഹങ്ങൾക്കിടെ കളത്തിലേക്ക് തിരിച്ചെത്തി സൂപ്പർതാരം ലയണല്‍ മെസി. ലീഗ്സ് കപ്പിൽ ലിയോണെക്കെതിരെ പകരക്കാരനായാണ് മെസി കളത്തിലെത്തിയത്.

നിർണായക സിപിഐ സംസ്ഥാന സെക്രട്ടേറിയറ്റ് യോഗം ഇന്ന്. പ്രതിപക്ഷ ഉപനേതൃപദവിയിൽ മുന്നണിയിൽ സ്വീകരിക്കേണ്ട നിലപാട് യോഗത്തിൽ ചർച്ചയാകും. വിട്ടുവീഴ്ച വേണ്ടെന്ന തീരുമാനത്തിൽ ഉറച്ചാണ് നേതൃത്വം. തിങ്കളാഴ്ച ചേരുന്ന എല്‍ഡിഎഫ് യോഗത്തിൽ നിലപാട് ആവർത്തിച്ചേക്കുമെന്ന് സൂചന.

പ്രതിപക്ഷ പ്രതിഷേധം ഇരമ്പിയ പാർലമെന്റിന്റെ വർഷകാലം സമ്മേളനം ഇന്ന് അവസാനിക്കും. ഇന്നും ഇരുസഭകളും കലുഷിതമാകാനാണ് സാധ്യത. ഡല്‍ഹി പ്രക്ഷോഭത്തിലെ അതിക്രമത്തിലും അയോധ്യ സംഭാവന കൊള്ളയിലും ചർച്ച വേണം എന്ന നിലപാടില്‍ ഉറച്ചുനില്‍ക്കുകയാണ് പ്രതിപക്ഷം.

മെസി വിവാദത്തിൽ സർക്കാർ സമഗ്ര അന്വേഷണത്തിനെന്ന് സൂചന. ഇതു സംബന്ധിച്ച് ഇന്നത്തെ മന്ത്രിസഭാ യോഗത്തിൽ തീരുമാനമാകും. കായികവകുപ്പ് സെക്രട്ടറിയുടെ അന്വേഷണ റിപ്പോർട്ട് മന്ത്രി സഭ ചർച്ച ചെയ്യും.

സംസ്ഥാനത്ത് ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യത. ഇന്ന് കണ്ണൂർ, കാസർഗോഡ് ജില്ലകളിലും നാളെ പത്തനംതിട്ട, കോട്ടയം, ഇടുക്കി ജില്ലകളിലും കേന്ദ്ര കാലാവസ്ഥ വകുപ്പ് യെല്ലോ അലർട്ട് നൽകിയിട്ടുണ്ട്. ബംഗാൾ ഉൾക്കടലിൽ രൂപപ്പെട്ട ന്യൂനമർദത്തിന്റെ സ്വാധീനഫലമായാണ് മഴ കനക്കുന്നത്. മഴയ്ക്കൊപ്പം മണിക്കൂറിൽ 40 കിലോമീറ്റർ വേഗതയിൽ കാറ്റ് വീശാനും സാധ്യതയുണ്ട്. ഉയർന്ന തിരമാലയ്ക്കും കള്ളക്കടലാക്രമണത്തിനും സാധ്യത ഉള്ളതിനാൽ കേരളം ലക്ഷ്വദ്വീപ്, കർണാടക തീരങ്ങളിൽ മത്സ്യബന്ധനത്തിന് പോകാൻ പാടില്ല. മത്സ്യത്തൊഴിലാളികളും തീരദേശവാസികളും ജാഗ്രത പാലിക്കാനും നിർദേശം.