ഫ്രാക്ഷൻ നിർദേശം തള്ളിയ കീഴ്വഴക്കത്തിൽ പ്രതീക്ഷ അർപ്പിച്ച് ഡിവൈഎഫ്ഐയിലെ വെട്ടിനിരത്തൽ ഭീഷണിയിലുള്ള നേതാക്കൾ. 2018-ൽ ഫ്രാക്ഷൻ നിർദേശം പുനഃപരിശോധിച്ച് ഒഴിവാക്കപ്പെട്ടവരെ ഭാരവാഹിത്വത്തിൽ കൊണ്ടുവന്നിരുന്നു എന്നതാണ് പ്രതീക്ഷ നൽകുന്നത്. പ്രായപരിധി കുറച്ച തീരുമാനം സിപിഐഎം സെക്രട്ടേറിയറ്റ് ചർച്ച ചെയ്യുമെന്നാണ് സൂചന. സെക്രട്ടറിയേറ്റ് എടുക്കാത്ത തീരുമാനമാണ് എം.വി. ഗോവിന്ദൻ ഫ്രാക്ഷൻ യോഗത്തിൽ അറിയിച്ചത്. ചിന്ത ജെറോം സംസ്ഥാന അധ്യക്ഷയാകുന്നത് തിരിച്ചടിയാകുമെന്നാണ് എതിർവിഭാഗത്തിന്റെ വാദം.