നടൻ മോഹൻലാലിന് ഓസ്ട്രേലിയൻ വിസ കിട്ടാത്തതിനെ തുടർന്ന് സിഡ്നിയിൽ നടത്താനിരുന്ന ഷോ മാറ്റിവെച്ചു. മോഹൻലാൽ ഒഴിച്ച് ബാക്കി താരങ്ങൾ സിഡ്നിയിൽ എത്തി. പരിപാടിക്ക് ടിക്കറ്റ് എടുത്തവരോട് മാപ്പ് പറഞ്ഞു മോഹൻലാൽ. മറ്റൊരു ദിവസം പരിപാടി ഉണ്ടാക്കുമെന്നും മോഹൻലാൽ പറഞ്ഞു.
കെസിഎ സ്റ്റേഡിയം നിർമാണത്തിന് നെല്ല് വയൽ നികത്താൻ സർക്കാർ അനുമതി. ആലുവ ചെങ്ങമനാട് പഞ്ചായത്തിലെ പത്ത് ഏക്കർ നെല്ല് വയൽ നികത്താനാണ് അനുമതി നൽകിയത്. നേരത്തെ നെല്ല് വയൽ തണ്ണീർതട നിയമപ്രകാരം അനുമതി നിഷേധിച്ചിരുന്നു. നെല്ല് വയൽ തണ്ണീർതട നിയമത്തിലെ ' പൊതു ആവശ്യം ' എന്ന ചട്ടം ചൂണ്ടികാണിച്ചാണ് പുതിയ അനുമതി. രാജ്യാന്തര ക്രിക്കറ്റ് സ്റ്റേഡിയം നിർമ്മിക്കാനാണ് കെസിഎ ലക്ഷ്യമിടുന്നത്
അർജുൻ ആയെങ്കിക്കെതിരെ വീണ്ടും കേസ്. ആലുവ സൈബർ പൊലീസാണ് കേസ് എടുത്തത്. മുഖ്യമന്ത്രിക്കെതിരെ പോസ്റ്റ് ഇട്ടതിനാണ് കേസ്.
മൈസൂരു -ബെംഗളുരൂ ഹൈവേയിൽ കെഎസ്ആർടിസി ബസ് അപകടത്തിൽപ്പെട്ടു. രണ്ടു പേർ മരിച്ചു. നാലു പേരുടെ നില ഗുരുതരമാണ്. കോഴിക്കോട് നിന്ന് രാത്രി 9.30യോടെ യാത്ര തിരിച്ച ഡീലക്സ് ബസാണ് അപകടത്തിൽപ്പെട്ടത്. മാണ്ഡ്യക്ക് സമീപം രാംനഗറിലാണ് അപകടം ഉണ്ടായത്. ഡ്രൈവർ മിഥിലേഷ്, കണ്ടക്ടർ അരുൺ എന്നിവരാണ് മരിച്ചത്. കോഴിക്കോട് ഡിപ്പോയിലെ ബസാണ്.