തൃശൂർ: ചാവക്കാട് മണത്തലയിൽ ഉണക്കാനിട്ട ജീൻസ് പാൻ്റ് മോഷണം പോയി. കുറുപ്പത്ത് വീട്ടിൽ അജ്മലിന്റെ പാന്റാണ് ഇന്ന് രാവിലെ മോഷണം പോയത്. കാറ്റാടി കടവ് റോഡിലെ വീടിന് മുന്നിൽ ഉണക്കാനിട്ട ജീൻസ് പാന്റാണ് യുവാവ് മോഷ്ടിച്ചത്. പാൻ്റ് കാണാതായതോടെ സമീപത്തെ നിരീക്ഷണ ക്യാമറ പരിശോധിച്ചപ്പോഴാണ് യുവാവ് പാൻ്റ് മോഷ്ടിച്ചു കൊണ്ടുപോകുന്നത് കണ്ടത്.
സംഭവത്തിൽ അജ്മലും കുടുംബവും ചാവക്കാട് പൊലീസിൽ പരാതി നൽകി.