ഇടുക്കി: നിയമസഭാ തെരഞ്ഞെടുപ്പിൽ ഇടുക്കി ഉടുമ്പൻചോലയിൽ എം.എം. മണിയെ വീണ്ടും മത്സരിപ്പിക്കാൻ സിപിഐഎം നീക്കം. മണ്ഡലം നിലനിർത്താൻ മണി മത്സരിക്കണമെന്ന് പാർട്ടി വിലയിരുത്തലിനെ തുടർന്നാണ് നീക്കം. പാർട്ടി പറഞ്ഞാൽ മത്സരിക്കുമെന്ന് മണി നേരത്തേ പ്രതികരിച്ചിരുന്നു. കഴിഞ്ഞ രണ്ട് പ്രാവശ്യവും ഉടുമ്പൻചോല മണ്ഡലത്തെ പ്രതിനിധീകരിച്ചാണ് മണി നിയമസഭയിലെത്തിയത്. 2021ലെ തെരഞ്ഞെടുപ്പിൽ 38,305 വോട്ടുകൾക്കായിരുന്നു എം.എം. മണി വിജയിച്ചത്.