കണ്ണൂർ: ഡിവൈഎസ്പിയായിരുന്ന പി.പി. സദാനന്ദനെ ഭീഷണിപ്പെടുത്തിയ കേസിൽ കെ. സുരേന്ദ്രൻ കുറ്റവിമുക്തൻ. ഫസൽ വധക്കേസുമായി ബന്ധപ്പെട്ട് നടത്തിയ പ്രസംഗത്തിലും എഫ്ബി പോസ്റ്റിലുമായിരുന്നു കേസ്. കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് വിധി.
2016ൽ ഫേസ്ബുക്ക് പോസ്റ്റിലൂടെ അന്നത്തെ ഡിവൈഎസ്പി സദാനന്ദനെ ഭീഷണിപ്പെടുത്തി എന്നതായിരുന്നു കേസ്. ഫസൽ വധക്കേസിൽ ആർഎസ്എസ് - ബിജെപി പ്രവർത്തകരെ പ്രതികളാക്കാൻ പൊലീസ് നീക്കം നടത്തുന്നു എന്ന് ആരോപിച്ചായിരുന്നു ഫേസ്ബുക്ക് പോസ്റ്റിലൂടെയുള്ള സുരേന്ദ്രന്റെ ഭീഷണി.