കോട്ടയം: ചങ്ങാനാശ്ശേരിയിൽ കന്യാസ്ത്രീക്ക് നേരെ പീഡനമെന്ന് പരാതി. ചങ്ങനാശ്ശേരി അതിരൂപതയുടെ കീഴിലുള്ള ആശുപതിയിലെ മുൻ ജീവനക്കാരൻ അറസ്റ്റിലായി. പൊൻകുന്നം സ്വദേശി ബാബു തോമസ്(45) ആണ് അറസ്റ്റിലായത്. ചങ്ങനാശ്ശേരി പൊലീസാണ് പ്രതിയെ അറസ്റ്റ് ചെയ്തത്.
പ്രതി ബാബു തോമസ് ഫോണിൽ അശ്ലീല സന്ദേശം അയച്ചെന്നും നിരവധി തവണ പീഡിപ്പിച്ചെന്നുമാണ് പരാതി. കൂടുതൽ പേർ പീഡനത്തിന് ഇരയായിട്ടുണ്ടെന്ന് പൊലീസ് പറയുന്നു. പരാതിക്ക് പിന്നാലെ ഇയാൾ രാജിവെച്ചന്ന് സഭ മാധ്യമ വിഭാഗം അറിയിച്ചു. അതിരൂപതയുടെ കീഴിലുള്ള ആശുപത്രിയിൽ എച്ച്ആർ മാനേജറായി ജോലി ചെയ്യുകയായിരുന്നു പ്രതി.