സർക്കാർ നിയമനങ്ങളെ വിമർശിച്ച കെഎസ്യുവിനെ മുഖ്യമന്ത്രി പരിഹസിച്ചതിൽ വിമർശനം കടുപ്പിച്ച് നേതാക്കൾ. മുഖ്യമന്ത്രിക്കെതിരെ രൂക്ഷ പ്രതികരണവുമായി കെ എസ് യു, യൂത്ത് കോൺഗ്രസ് നേതാക്കൾ രംഗത്ത്. കേരളത്തിലെ ഒരു വിദ്യാർത്ഥി സംഘടനയുടെ നേതാക്കൾക്ക് കൂടിക്കാഴ്ചയ്ക്ക് അവസരം നൽകാത്തത് വിഷമകരമെന്ന് ഗോകുൽ ഗുരുവായൂർ. പ്രതീക്ഷിക്കാത്ത നിലപാടുകളെടുക്കുമ്പോൾ പ്രതികരിക്കേണ്ടി വരുമെന്നും ഗോകുൽ ന്യൂസ് മലയാളത്തോട് പറഞ്ഞു. യുഡിഎഫ് സർക്കാരിന് കെ എസ് യു വിനെ അവഗണിച്ച് സുഗമമായി ഭരണം നടത്താൻ കഴിയില്ലെന്ന് കെഎസ്യു കാസർഗോഡ് ജില്ലാ അധ്യക്ഷൻ ജാവദ് പുത്തൂരും വ്യക്തമാക്കി. സർക്കാർ തീരുമാനങ്ങളെ എല്ലാം പിന്തുണയ്ക്കുകയല്ല, പാർട്ടിക്ക് ദോഷമില്ലാത്ത നിലപാടുകളെടുക്കുകയാണ് ഉത്തരവാദിത്തമെന്ന് ജിൻ്റോ ജോണും ന്യൂസ് മലയാളത്തോട് വ്യക്തമാക്കി.
