കൊച്ചി: എറണാകുളം സ്വദേശിയായ യുവാവിനെ കപ്പലിൽ നിന്ന് കാണാതായെന്ന് പരാതി. ഞാറയ്ക്കൽ സ്വദേശിയായ ഷിന്റോൺ ബെന്നിയെയാണ് ബുധനാഴ്ച മുതൽ കാണാതായത്. MOL മാരിടൈം ഷിപ്പിങ് കമ്പനിയിലെ ഡെക്ക് ഓഫീസർ ട്രെയിനി ആയിരുന്നു ഷിൻ്റോൺ. സൗത്ത് ആഫ്രിക്കയില് നിന്ന് സിംഗപൂരിലേക്ക് പോയ കപ്പലില് നിന്നാണ് യുവാവിനെ കാണാതായത്.
ചൊവ്വാഴ്ച രാത്രിയാണ് ഷിന്റോൺ അവസാനമായി വീട്ടിലേക്ക് വിളിച്ചത്. ബുധനാഴ്ച ഉച്ചയോടെയാണ് ഷിൻ്റോണിനെ കാണാൻ ഇല്ലെന്ന് അറിഞ്ഞത്. ബന്ധുക്കൾ ഞാറക്കൽ പൊലീസിലും ഷിപ്പിംഗ് മന്ത്രാലയത്തിനും പരാതി നൽകിയിട്ടുണ്ട്. ഇൻഡോനേഷ്യക്ക് സമീപത്ത് വച്ചാണ് ഷിൻ്റോൺ ബെന്നിയെ കാണാതായ വിവരം സ്ഥിരീകരിച്ചത്.