സീറ്റ് വിഭജനത്തിലെ അതൃപ്തി; രാഹുല്‍ ഗാന്ധിയെ കാണാനുള്ള ഡല്‍ഹി യാത്ര മാറ്റിവച്ച് പി.കെ. കുഞ്ഞാലിക്കുട്ടി

യുഡിഎഫ് നേതാക്കളുടെ അഭ്യർഥനയെ തുടർന്നാണ് തീരുമാനം...
പി.കെ. കുഞ്ഞാലിക്കുട്ടി
പി.കെ. കുഞ്ഞാലിക്കുട്ടിSource: FB
Published on: 
Updated on: 

തിരുവനന്തപുരം: സീറ്റ് വിഭജനം നീളുന്നതിലെ അതൃപ്തി രാഹുൽ ഗാന്ധിയെ നേരിട്ട് അറിയിക്കാനുള്ള ഡൽഹി യാത്ര മാറ്റി മുസ്‌ലിം ലീഗ് അഖിലേന്ത്യ ജനറൽ സെക്രട്ടറി പി.കെ. കുഞ്ഞാലിക്കുട്ടി. യുഡിഎഫ് നേതാക്കളുടെ അഭ്യർഥനയെ തുടർന്നാണ് തീരുമാനം.

പി.കെ. കുഞ്ഞാലിക്കുട്ടി
EXCLUSIVE | കോട്ട പിടിക്കാൻ കെ. മുരളീധരൻ; പാലക്കാട് യുഡിഎഫ് സ്ഥാനാര്‍ഥിയാകും

രാഹുൽ ഗാന്ധിയുമായി കേരളത്തിൽ കൂടിക്കാഴ്ച നടത്താമെന്ന് ധാരണയായതോടെയാണ് യാത്ര ഉപേക്ഷിക്കാൻ തീരുമാനിച്ചത്. ഈ മാസം ഇരുപത്തിയഞ്ചിന് കേരളത്തിൽ വച്ച് കുഞ്ഞാലിക്കുട്ടി രാഹുൽ ഗാന്ധിയുമായി കൂടിക്കാഴ്ച നടത്തും. വയനാട് ദുരന്തബാധിതർക്ക് കോൺഗ്രസ് നിർമിച്ചുനൽകുന്ന വീടുകളുടെ തറക്കല്ലിടൽ ചടങ്ങിനായാണ് രാഹുൽ ഗാന്ധി കേരളത്തിലെത്തുന്നത്.

നിയമസഭാ തെരഞ്ഞെടുപ്പിൽ കോൺഗ്രസുമായുള്ള സീറ്റ് ചർച്ച നീണ്ട് പോകുന്നതിൽ ലീഗിന് അതൃപ്തിയുണ്ടായിരുന്നു. ഇത് ഹൈക്കമാൻഡിനെ നേരിട്ട് ധരിപ്പിക്കാനും അതുമായി ബന്ധപ്പെട്ട ചർച്ചകൾക്കുമായിരുന്നു കുഞ്ഞാലിക്കുട്ടി ഡൽഹി യാത്ര നിശ്ചയിച്ചിരുന്നത്.

Related Stories