പാലക്കാട്: താൻ കോൺഗ്രസിലേക്ക് പോകുന്നതായി വ്യാജവാർത്തകൾ പ്രചരിക്കുന്നതായി പാലക്കാട് നഗരസഭ മുൻ ചെയർപേഴ്സൺ പ്രമീള ശശിധരൻ. കോടികൾ തരാം എന്ന് പറഞ്ഞാലും മറ്റൊരു പാർട്ടിയിലേക്ക് പോവില്ലെന്നും, എക്കാലവും ബിജെപി പ്രവർത്തക ആയിരിക്കുമെന്നും പ്രമീള ശശിധരൻ പറഞ്ഞു. 25 വർഷം താമര ചിഹ്നത്തിൽ മത്സരിച്ച് ജനപ്രതിനിധിയായ വ്യക്തിയാണ് താൻ. കോൺഗ്രസുമായി ഒരു ചർച്ചയും നടന്നിട്ടില്ലെന്നും പ്രമീള ശശരിധരൻ പ്രതികരിച്ചു.
പ്രമീള ശശിധരനെ പാര്ട്ടിയിലെത്തിക്കാനുള്ള ശ്രമം നടക്കുന്നതായുള്ള വാർത്തകൾ കഴിഞ്ഞ ദിവസം പുറത്തുവന്നിരുന്നു. പാലക്കാട് ഉപതെരഞ്ഞെടുപ്പ് സ്ഥാനാർഥി പ്രഖ്യാപനത്തിന് പിന്നാലെ പ്രമീള ശശീധരൻ പരസ്യമായി നേതൃത്വത്തിനെതിരെ രംഗത്തെത്തിയിരുന്നു. പ്രതിപക്ഷ നേതാവ് വി.ഡി. സതീശന് നയിക്കുന്ന പുതുയുഗ യാത്ര പാലക്കാട് എത്തുമ്പോൾ നേതാക്കളുടെ പാര്ട്ടി പ്രവേശനം നടപ്പിലാക്കാനുള്ള ശ്രമങ്ങളാണ് നടക്കുന്നതെന്ന തരത്തിലായിരുന്നു പുറത്തുവന്ന വാർത്തകൾ. നേരത്തെ ബലാത്സംഗക്കേസിൽ ആരോപണവിധേയനായ രാഹുൽ മാങ്കൂട്ടത്തിൽ എംഎൽഎയ്ക്കൊപ്പം പ്രമീള പൊതുപരിപാടിയിൽ പങ്കെടുത്തതും ഏറെ വിവാദമായിരുന്നു.