വയനാട്: കനത്ത മഴയെ തുടർന്ന് വയനാട് ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. ജില്ലയിൽ നാളെയും ഓറഞ്ച് അലേർട്ടാണ് ഉള്ളത്. റസിഡന്ഷ്യല് സ്കൂളുകള്ക്കും കോളജുകള്ക്കും അവധി ബാധകമല്ല.
കേന്ദ്ര കാലാവസ്ഥാ വകുപ്പ് ജില്ലയില് ഓറഞ്ച് ജാഗ്രത പ്രഖ്യാപിച്ച സാഹചര്യത്തിലാണിത്. അങ്കണ്വാടികള്, മതപഠന ക്ലാസുകള്, ട്യൂഷന് സെൻ്ററുകള്, സ്പെഷ്യല് ക്ലാസുകള്, പ്രൊഫഷണല് കോളജുകള് ഉള്പ്പെടെയുള്ള ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും. മഴ വീണ്ടും ശക്തമായതിനാല് വയനാടിന് പുറമെ ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലും നാളെ ഓറഞ്ച് ജാഗ്രതയുണ്ട്.