കോട്ടയം: മദ്യലഹരിയിൽ വാഹനമോടിച്ച സീരിയൽ നടൻ വഴിയാത്രക്കാരനെ ഇടിച്ചിട്ടു. നടൻ സിദ്ധാർഥ് പ്രഭുവാണ് ലോട്ടറി വിൽപ്പനക്കാരനെ ഇടിച്ചത്. അപകടശേഷം നാട്ടുകാരുമായും പൊലീസുമായും വാക്കുതർക്കത്തിൽ ഏർപ്പെട്ട ഇയാളെ ചിങ്ങവനം പൊലീസ് ബലം പ്രയോഗിച്ച് കസ്റ്റഡിയിൽ എടുത്തു. എംസി റോഡിൽ നാട്ടകത്ത് വച്ച് ഇന്നലെ രാത്രിയിലായിരുന്നു അപകടം. മദ്യപിച്ച് വാഹമോടിച്ച് അപകടമുണ്ടായതിന് ഇയാൾക്കെതിരെ കേസ് രജിസ്റ്റർ ചെയ്തിട്ടുണ്ട്.