കോഴിക്കോട് ചേവായൂർ സഹകരണ ബാങ്കിലെ തെരഞ്ഞെടുപ്പിൽ വിമതർക്കെതിരെ ഭീഷണിയുമായി കെപിസിസി അധ്യക്ഷൻ കെ. സുധാകരൻ. എതിർക്കേണ്ടത് എതിർക്കണം,അടിക്കേണ്ടത് അടിക്കണം കൊടുക്കേണ്ടത് കൊടുക്കണം അതിനു മാത്രമാണ് വിലയുള്ളൂ എന്നായിരുന്നു കെ. സുധാകരൻ്റെ വാദം.
തെരഞ്ഞെടുപ്പിൽ കോൺഗ്രസ് പരാജയപ്പെട്ടാൽ പ്രദേശത്ത് ജീവിക്കാൻ അനുവദിക്കില്ലെന്നും അതുകൊണ്ട് തടി വേണോ, ജീവൻ വേണോ എന്ന് ഓർക്കണമെന്നുമായിരുന്നു കെ. സുധാകരൻ്റെ ഭീഷണി.
സഹകരണ ബാങ്കുകളെ ചിലർ ജീവിക്കാനുള്ള മാർഗമായി മാറ്റുകയാണ്. പാർട്ടി പ്രവർത്തകർക്ക് ജോലി കൊടുക്കാതെ, ഇടതുപക്ഷക്കാരനും ബിജെപിക്കാരനും മാത്രം ജോലി കൊടുക്കുകയാണ്. കോൺഗ്രസ് ഭരിക്കുന്ന ബാങ്കുകളെ തകർക്കാൻ ചിലർ കരാർ എടുത്തിരിക്കുന്നുവെന്നും കെ സുധാകരൻ പറഞ്ഞു.