ബിഹാർ നിയമസഭാ തെരഞ്ഞെടുപ്പിൻ്റെ ഒന്നാം ഘട്ടമായ ഇന്ന് ആദ്യ രണ്ട് മണിക്കൂറുകളിൽ 13.13 ശതമാനം പോളിങ് രേഖപ്പെടുത്തിയെന്ന് ചീഫ് ഇലക്ഷൻ കമ്മീഷണർ ഗ്യാനേഷ് കുമാർ. ചീഫ് ഇലക്ഷൻ കമ്മീഷണർക്കൊപ്പം തെരഞ്ഞെടുപ്പ് കമ്മീഷണർമാരായ സുഖ്ബീർ സിംഗ് സന്ധു, വിവേക് ജോഷി എന്നിവരും ചേർന്ന് ഇലക്ഷൻ കമ്മീഷൻ ഓഫ് ഇന്ത്യയുടെ മോണിറ്ററിംഗ് റൂമിൽ നിന്ന് ബീഹാർ നിയമസഭാ തെരഞ്ഞെടുപ്പ് നിരീക്ഷിക്കുന്നുണ്ട്. സംസ്ഥാനത്ത് ആദ്യ ഘട്ട തെരഞ്ഞെടുപ്പ് ദിവസമായ ഇന്ന് 3.75 കോടി വോട്ടർമാരാണ് പോളിങ് ബൂത്തുകളിലേക്ക് എത്തുക.
മികച്ച പോളിംങോടെ നിയമസഭാ തെരഞ്ഞെടുപ്പിൻ്റെ ഒന്നാം ഘട്ട വിധിയെഴുതി ബിഹാർ. അഞ്ച് മണിവരെ വരെ 60.13 ശതമാനം രേഖപ്പെടുത്തി ചരിത്രപോളിങ്. ഉയർന്ന പോളിംഗ് എൻ.ഡി.എയ്ക്ക് അനുകൂലമെന്ന് പ്രധാനമന്ത്രി. ലഖീസറായിയിൽ ഉപമുഖ്യമന്ത്രി വിജയ് സിൻഹയുടെ വാഹന വ്യൂഹത്തിന് നേരെ ആക്രമണം.