ഡൽഹി: നിയമസഭാ തെരഞ്ഞെടുപ്പിനുള്ള ആദ്യഘട്ട സ്ഥാനാർഥി പട്ടികയ്ക്ക് അംഗീകാരം നൽകി കോൺഗ്രസ് തെരഞ്ഞെടുപ്പ് കമ്മിറ്റി യോഗം. സിറ്റിംഗ് എംഎൽഎമാർ അടക്കം 31 പേരാണ് ആദ്യഘട്ട പട്ടികയിലുള്ളത്. 20 എംഎൽഎമാർ വീണ്ടും മത്സരിക്കുമെന്നാണ് റിപ്പോർട്ടുകൾ. എംപിമാർ തെരഞ്ഞെടുപ്പ് ചിത്രത്തിൽ ഇല്ലെന്ന് സ്ക്രീനിങ് കമ്മിറ്റി അധ്യക്ഷൻ മധുസൂദനൻ മിസ്ത്രി പറഞ്ഞു.
അതേസമയം പട്ടികയിൽ പരാമർശിച്ചെങ്കിലും എൽദോസ് കുന്നപ്പിള്ളിയുടെ കാര്യത്തിൽ അനിശ്ചിതത്വം തുടരുകയാണ്. സാഹചര്യം നോക്കി പട്ടിക പുറത്തുവിടുമെന്നും മികച്ച പട്ടികയാണോ എന്ന് പട്ടിക പുറത്തുവരുമ്പോൾ മനസിലാകുമെന്ന് കെ.സി. വേണുഗോപാൽ പറഞ്ഞു. മികച്ച പട്ടികയാണെന്നും തെരഞ്ഞെടുപ്പ് പ്രഖ്യാപനത്തോട് അനുബന്ധിച്ച് പട്ടിക പുറത്തുവരുമെന്നും കെപിസിസി അധ്യക്ഷൻ സണ്ണി ജോസഫ് പറഞ്ഞു.
എംപിമാർ മത്സരിക്കുന്ന കാര്യത്തിൽ ഹൈക്കമാൻഡ് തീരുമാനമെടുക്കുമെന്നും സണ്ണി ജോസഫ് സൂചിപ്പിച്ചിരുന്നു. എന്നാൽ നിലവിലെ തീരുമാനങ്ങൾ പരിശോധിച്ചാൽ എംപിമാർക്ക് സീറ്റ് നൽകാനുള്ള സാധ്യതയില്ല എന്ന സൂചനയാണ് ലഭിക്കുക. കേരളത്തിൽ കെ.സി. വേണുഗോപാൽ ഉൾപ്പെടെ എംപിമാർ മത്സരിക്കാനൊരുങ്ങുന്നു എന്നതരത്തിൽ വാർത്തകൾ നേരത്തേ തന്നെ പുറത്തുവന്നിരുന്നു.