ഡൽഹി: എഫ്സിആർഎ നിയമ ഭേദഗതിയിൽ പാർലമെൻ്റിൽ അടിയന്തര പ്രമേയത്തിന് നോട്ടീസ് നൽകി ഹൈബി ഈഡൻ എംപി. പുതിയ നിയമ ഭേദഗതി ഭരണഘടനാ വിരുദ്ധവും എല്ലാ അർഥത്തിലും ന്യൂനപക്ഷ വിരുദ്ധവുമാണെന്ന് അദ്ദേഹം പറഞ്ഞു. വിഷയം സഭ നിർത്തി വെച്ച് ചർച്ച ചെയ്യണമെന്ന് ഹൈബി ഈഡൻ ആവശ്യപ്പെട്ടു.
ജീവകാരുണ്യ പ്രവർത്തനങ്ങളിൽ ഏർപ്പെടുന്ന സന്നദ്ധ സംഘടനകളുടെ ആസ്തികൾ സർക്കാരിന് കൈവശപ്പെടുത്താൻ വഴിയൊരുക്കുന്നതാണ് നിലവിൽ നിർദേശിക്കപ്പെട്ടിട്ടുള്ള ഭേദഗതിയെന്ന് ഹൈബി ഈഡൻ പറഞ്ഞു. ഭേദഗതി ആതുര സേവനം, വിദ്യാഭ്യാസം, ദാരിദ്ര്യ നിർമാർജനം തുടങ്ങിയ മേഖലകളിലെ സംഘടനകളെയും സ്ഥാപനങ്ങളെയും തകർക്കാൻ ഇടയാക്കുമെന്ന് ഹൈബി ഈഡൻ ആരോപിച്ചു.