ബെംഗളൂരു: കർണാടകയിലെ കൊപ്പൽ ജില്ലയിൽ ട്രാക്ടർ മറിഞ്ഞുണ്ടായ ആപകടത്തിൽ ആറ് പേർ മരിച്ചു. അപകടത്തിൽ 13 പേർക്ക് പരിക്കേറ്റു. ക്ഷേത്രദർശനത്തിന് പോയവർ സഞ്ചരിച്ച ട്രാക്ടറാണ് ഹോസ്പേട്ടിൽ തുംഗഭദ്ര ഡാമിന് സമീപം അപകടത്തിൽപ്പെട്ടത്. പരിക്കേറ്റവരെ സമീപത്തുള്ള ആശുപത്രികളിൽ പ്രവേശിപ്പിച്ചിരിക്കുകയാണ്.
റോഡിലെ ഉയരമുള്ള ഭാഗത്ത് നിന്ന് താഴേക്ക് ട്രാക്ടർ തലകീഴായി മറിയുകയായിരുന്നു. ഒരു കുട്ടിയുൾപ്പെടെ മരിച്ച ആറുപേരും ഒരു കുടംബത്തിലെ അംഗങ്ങളാണെന്നാണ് റിപ്പോർട്ടുകൾ. ദാവൺഗരെയിലെ സന്ദൂരിൽ നിന്ന് ഹൂളിഗമ്മ ക്ഷേത്ര ദർശനത്തിനായി പുറപ്പെട്ടവരായിരുന്നു ട്രാക്ടറിൽ ഉണ്ടായിരുന്നത്.