ചുട്ടിപ്പാറ നഴ്സിങ് കോളേജ് വിദ്യാര്ഥിനി അമ്മു സജീവിന്റെ മരണത്തില് കോളേജ് പ്രിന്സിപ്പലിനും മൂന്ന് വിദ്യാര്ഥികള്ക്കും എതിരെ നടപടി. പ്രിന്സിപ്പലിനെ സ്ഥലം മാറ്റി. സീപാസിന് കീഴിലെ സീതത്തോട് കോളേജിലേക്കാണ് സ്ഥലം മാറ്റിയത്. പകരം സീതത്തോട് കോളേജ് പ്രിന്സിപ്പല് ആയിരുന്ന തുഷാരയെ ചുട്ടിപ്പാറയിലേക്കും മാറ്റി.
അമ്മുവിന്റെ മരണത്തില് പ്രതികളായ മൂന്ന് വിദ്യാര്ഥിനികളേയും കോളേജ് സസ്പെന്ഡ് ചെയ്തു. അലീന, അഷിത, അഞ്ജന എന്നീ വിദ്യാര്ഥികളെയാണ് സസ്പെന്ഡ് ചെയ്തത്. വിദ്യാര്ഥിനികള് നിലവില് ജാമ്യത്തിലാണ്.
ഇതിനിടയില് കോളേജിലെ സൈക്യാട്രി വിഭാഗം അധ്യാപകന് സജിക്കെതിരെ അമ്മുവിന്റെ പിതാവ് സജീവന് പരാതി നല്കി. ലോഗ് ബുക്ക് കാണാതായെന്ന് പറഞ്ഞ് അമ്മുവിനെ അധ്യാപകന് സജിയും കേസില് പ്രതികളായ വിദ്യാര്ഥിനികളും ചേര്ന്ന് മാനസികമായി പീഡിപ്പിച്ചുവെന്നാണ് സജീവന്റെ പരാതി.
Also Read: രക്ഷപ്പെടാൻ നൂറുശതമാനം സാധ്യതയുണ്ടായിരുന്നു, എന്നിട്ടും...; അനീസയുടെ ഈയവസ്ഥയ്ക്ക് കാരണം ഡോക്ടര്മാര്
ചുട്ടിപ്പാറ സ്കൂള് ഓഫ് മെഡിക്കല് എജുക്കേഷനിലെ നാലാംവര്ഷ വിദ്യാര്ഥിനിയായ തിരുവനന്തപുരം അയിരൂപാറ സ്വദേശിനി അമ്മു സജീവ് ഹോസ്റ്റല് കെട്ടിടത്തിന്റെ മുകളില് നിന്നും വീണ് മരിക്കുകയായിരുന്നു. പിന്നാലെ മരണത്തില് ദുരൂഹതയുണ്ടെന്ന ആരോപണവുമായി കുടുംബം രംഗത്തെത്തി. സഹപാഠികളായ വിദ്യാര്ഥികള് അമ്മുവിനെ മാനസികമായും ശാരീരികമായും പീഡിപ്പിച്ചു എന്നാണ് കുടുംബത്തിന്റെ ആരോപണം.