വേമ്പനാട്ട് കായലിൽ ഏഴ് കിലോമീറ്റർ നീന്തി റെക്കോർഡിട്ട് ആറ് വയസുകാരി. കോട്ടയം മാതിരപ്പള്ളി സ്വദേശി ആദ്യ ഡി. നായരാണ് വേൾഡ് വൈഡ് ബുക്ക് ഓഫ് റെക്കോർഡ്സിൽ ഇടം പിടിച്ചത്. 3 മണിക്കൂർ 45 മിനിറ്റ് കൊണ്ടാണ് ആദ്യ എന്ന കൊച്ചുമിടുക്കി ഏഴു കിലോമീറ്റർ നീന്തിയത്.
കോതമംഗലം കറുകടം സെന്റ് മേരീസ് സ്കൂളിലെ ഒന്നാം ക്ലാസ് വിദ്യാർഥിനിയാണ് ആദ്യ. ഈ ആറു വയസുകാരി വേമ്പനാട്ട് കായലിൽ ഏഴു കിലോമീറ്ററോളം ദൂരം നീന്തിയത് വെറും 3 മണിക്കൂർ 45 മിനിറ്റ് കൊണ്ടാണ്. വടക്കുംകര അമ്പലക്കടവിൽ നിന്നും വൈക്കം ബീച്ച് വരെയുള്ള ദൂരമാണ് ആദ്യ നീന്തിയത്. ഏഴ് കിലോമീറ്റർ നീന്തികടക്കുന്ന ഏറ്റവും പ്രായം കുറഞ്ഞ ആളായി വേൾഡ് വൈഡ് ബുക്ക് ഓഫ് റെക്കോർഡ്സിലും ഈ പ്രകടനം ഇടം നേടി.
മകളുടെ നേട്ടത്തിൽ അച്ഛൻ ദിപുവും അമ്മ അഞ്ജനയും സന്തോഷവും അഭിമാനവും പ്രകടിപ്പിച്ചു. കോതമംഗലം ഡോൾഫിൻ അക്വാട്ടിക് ക്ലബ്ബിലെ നീന്തൽ കോച്ചായ ബിജു തങ്കപ്പനാണ് ആദ്യക്ക് പരിശീലനം നൽകിയത്. പൗരാവലിയുടെയും വൈക്കം നഗരസഭയുടെയും നേതൃത്വത്തിൽ കൊച്ചുമിടുക്കിക്ക് അനുമോദനവും നൽകി.