വിദ്യാഭ്യാസ വകുപ്പ് ഉദ്യോഗസ്ഥർ ചമഞ്ഞ് കൈക്കൂലി വാങ്ങാൻ ശ്രമിച്ച നാലംഗ സംഘം വിജിലൻസ് പിടിയിൽ. എറണാകുളം പിറവം സെൻ്റ് ജോസഫ് ഹൈസ്കൂൾ പ്രഥമാധ്യാപക നിൽ നിന്നും പണം തട്ടാൻ ശ്രമിച്ച പ്രതികളാണ് പിടിയിലായത്. സ്കൂളിലെ പി. ടി. എ പ്രസിഡൻ്റ് പ്രസാദ്, മുൻ പ്രസിഡൻ്റ് ബിജു തങ്കപ്പൻ, രാകേഷ് ,അലേഷ് എന്നിവരാണ് വെഞ്ഞാറമൂട് വച്ച് വിജിലൻസിൻ്റെ പിടിയിലായത്.
ഈ മാസം 31 ന് വിരമിക്കുന്ന പ്രധാനാധ്യാപകന്റെ പെൻഷനും മറ്റ് ആനുകൂല്യങ്ങളും തടസ്സപ്പെടാതിരിക്കാൻ പണം നൽകണമെന്നാവശ്യപ്പെട്ടാണ് സംഘം 15 ലക്ഷം കൈക്കൂലി ആവശ്യപ്പെട്ടത്. തിരുവനന്തപുരത്തെത്തി പണം കൈമാറാനായിരുന്നു ആവശ്യം. ഇതിൽ 2 ലക്ഷം രൂപ കൈപ്പറ്റുന്നതിനിടയിൽ ആയിരുന്നു വിജിലൻസ് നീക്കം. പ്രതികൾ സഞ്ചരിച്ച കാറും വിജിലൻസ് കസ്റ്റഡിയിലെടുത്തു. എറണാകുളം റെയിഞ്ച് എസ്പി ശശിധരന് ലഭിച്ച പരാതിയുടെ അടിസ്ഥാനത്തിലായിരുന്നു വിജിലൻസ് റെയ്ഡ്.