രാജ്യം മുഴുവൻ ഇന്ത്യൻ വനിതാ ക്രിക്കറ്റ് ടീമിന്റെ ലോകകപ്പ് നേട്ടത്തിൽ ആഘോഷിക്കുമ്പോൾ ടീമിന്റെ നെടുംതൂണായ സ്മൃതി മന്ദാന തന്റെ വിവാഹത്തിനുള്ള തയ്യാറെടുപ്പിലായിരുന്നു. എന്നാൽ ആ സ്വപ്നം സഫലമായില്ല. താരത്തിനമ്റെ വിവാഹം മാറ്റിവച്ചു എന്ന വാർത്തകളാണ് ഇപ്പോൾ വരുന്നത്. സംഗീതസംവിധായകയായ പലാഷ് മുച്ചാലുമായി കഴിഞ്ഞ ഞായറാഴ്ച നടക്കാനിരുന്ന വിവാഹമാണ് മുടങ്ങിയത്.
സ്മൃതിയുടെ പിതാവിനെ ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ചതോടെയാണ് വിവാഹം മാറ്റിവച്ചതെന്നാാണ് വിശദീകരണം. എന്നാൽ അതിൽ തന്നെ വിവിധ ചർച്ചകളുമായി സജീവമാണ് നെറ്റസൺസ്. വിവാഹനിശ്ചയം പ്രഖ്യാപിച്ചുള്ള പോസ്റ്റ് അവർ നീക്കം ചെയ്യുക, മുച്ചാലുമായുള്ള ചിത്രങ്ങളും വീഡിയോകളും ഹൈഡ് ചെയ്യുക തുടങ്ങിയ നടപടികളാണ് ആളുകളെ സംശയത്തിലാഴ്ത്തിയത്.
പതിവുപോലെ സോഷ്യൽ മീഡിയ പൊട്ടിത്തെറിച്ചു, ഇന്റർനെറ്റ് ട്രോളിംഗിന്റെ സ്ഥിരം കലാപരിപാടികളും ആരംഭിച്ചു. സമൃതിയുടെ വിവാഹം പിതാവിന്റെ അസുഖത്തെത്തുടർന്ന് മാറ്റി വച്ചതാണെങ്കിൽ പിന്നെ എന്തിനാണ് ചിത്രങ്ങലും , വിവാഹവുമായി ബന്ധപ്പെട്ട മറ്റ് ഓർമകളുമെല്ലാം കളയുന്നത് എന്നാണ് പ്രധാന ചോദ്യം. "വലിയ എന്തെങ്കിലും സംഭവിച്ചിട്ടില്ലെങ്കിൽ ഇത് നിങ്ങൾ ഇല്ലാതാക്കുന്ന ഒന്നല്ല," എന്നാണ് മന്ദാനയെ പരാമർശിച്ച് വന്ന ഒരു കമന്റ്. മന്ദാനയുടെ വ്യക്തിജീവിതത്തെ ചുറ്റിപ്പറ്റിയുള്ള കോലാഹലം വേറെയും.
സാംഗ്ലിയിലെ സാംഡോളിലുള്ള മന്ദാന ഫാം ഹൗസില്‍ വച്ച് വിവാഹത്തിനുള്ള ഒരുക്കങ്ങള്‍ നടക്കുന്നതിനിടെയായിരുന്നു സ്മൃതിയുടെ പിതാവിന് ഹൃദയാഘാതം ഉണ്ടായത്. സംഭവത്തെ തുടര്‍ന്ന് വിവാഹ ചടങ്ങുകള്‍ നിര്‍ത്തിവച്ചതായും മാധ്യമങ്ങള്‍ക്ക് ഔദ്യോഗിക അറിയിപ്പ് ലഭിച്ചു. എന്നാല്‍, വിവാഹ ആഘോഷങ്ങള്‍ എപ്പോള്‍ പുനരാരംഭിക്കുമെന്നതിനെ സംബന്ധിച്ച വിവരം ലഭ്യമായിട്ടില്ല.2019 മുതല്‍ പ്രണയത്തിലായിരുന്ന സ്മൃതി മന്ദാനയും പലാഷ് മുച്ചലും തങ്ങളുടെ പ്രണയം അടുത്തിടെയാണ് പരസ്യമാക്കിയത്. കഴിഞ്ഞ ദിവസം ലോകകപ്പ് നേടിയ വേദിയില്‍ വെച്ച് സ്മൃതിയെ പ്രൊപ്പോസ് ചെയ്യുന്ന വീഡിയോയും വൈറലായിരുന്നു. ആ വീഡിയോയാണ് ഇപ്പോൾ നീക്കം ചെയ്തിരിക്കുന്നത്.
അടിസ്ഥാനരഹിതമായ കഥകളാണ് ഇതുമായി ബന്ധപ്പെട്ട സൈബർ ഇടത്തിൽ പ്രചരിക്കുന്നത്. വിവാഹം വേണ്ടെന്നു വച്ച തീരുമാനത്തിന് പിന്നിൽ വിശ്വാസ വഞ്ചന ഉൾപ്പെടെ മറ്റ് പല കാരണങ്ങളും നിരത്തി പലരും പോസ്റ്റുകൾ മെനഞ്ഞു. അതോടെ നിരവധി ട്രോളുകൾക്ക് ഇരയായികത്തീർന്നിരിക്കുകയാണ് സ്മൃതിയുടെ ജീവിതം. സ്ഥിരീകരിച്ച വിവരങ്ങളൊന്നും ലഭ്യമല്ലാത്തതിനാൽ, വിവാഹം മാറ്റിവച്ചതിന് പിന്നിലെ "യഥാർത്ഥ" കാരണം ഇതാണെന്ന് അവകാശപ്പെട്ടാണ് പല വിചിത്ര കഥകളും പ്രചരിക്കുന്നത്. എന്നാൽ സ്മൃതി മന്ദാന പരസ്യ പ്രതികരണങ്ങളിൽ നിന്ന് അകന്നു നിൽക്കുകയാണ്.