ഇതാണോ ആഷസ്? ഇതാണോ ടെസ്റ്റ് ക്രിക്കറ്റ്? രണ്ട് ദിനം കൊണ്ട് പെർത്തിൽ ഇംഗ്ലണ്ടിൻ്റെ കണ്ണീർ വീഴ്ത്തി കംഗാരുപ്പട

104 വർഷത്തിനിടെ ഇതാദ്യമാണ് ഒരു ആഷസ് ടെസ്റ്റ് ഇത്ര വേഗത്തിൽ അവസാനിക്കുന്നത്
Australia vs England 1st Ashes Test
സെഞ്ച്വറി നേടിയ ട്രാവിസ് ഹെഡിൻ്റെ ആഹ്ളാദ പ്രകടനംSource: X/ ICC
Published on
Updated on

പെർത്ത്: ബാസ്ബോളിൻ്റെ വമ്പുമായി കംഗാരുപ്പടയെ തീർത്തുകളയുമെന്ന വാശിയോടെ ആഷസ് പരമ്പരയ്ക്കായി ഓസീസിലെത്തിയ ബെൻ സ്റ്റോക്സിൻ്റെ ഇംഗ്ലീഷ് പടയ്ക്ക് ഞെട്ടിക്കുന്ന ഷോക്ക് ട്രീറ്റ്മെൻ്റ് നൽകി ഞെട്ടിച്ച് സ്റ്റീവൻ സ്മിത്തിൻ്റെ ഓസ്ട്രേലിയ.

പെർത്തിൽ നടന്ന ആദ്യ ടെസ്റ്റിൽ എട്ട് വിക്കറ്റിൻ്റെ തകർപ്പൻ ജയത്തോടെ ചരിത്ര നേട്ടമാണ് ഓസീസ് സ്വന്തമാക്കിയത്. 104 വർഷത്തിനിടെ ഇതാദ്യമാണ് ഒരു ആഷസ് ടെസ്റ്റ് ഇത്ര വേഗത്തിൽ അവസാനിക്കുന്നത്. 1921ൽ നോട്ടിംഗ്ഹാമിൽ നടന്ന ആഷസ് ടെസ്റ്റും രണ്ട് ദിവസത്തിനുള്ളിൽ ഓസ്‌ട്രേലിയ ജയിച്ചിരുന്നു. എന്നാൽ പെർത്ത് ടെസ്റ്റിനേക്കാൾ കൂടുതൽ സമയമെടുത്താണെന്ന് മാത്രം.

രണ്ടാമിന്നിങ്സിൽ ഇം​ഗ്ലണ്ട് മുന്നോട്ടുവച്ച 205 റൺസിൻ്റെ വിജയലക്ഷ്യം വെറും 28.2 ഓവറിലാണ് ഓസീസ് ബാറ്റർമാർ മറികടന്നത്. ട്രാവിസ് ഹെഡ് സെഞ്ച്വറിയുമായും മാർനസ് ലബുഷെയ്ൻ അർധ സെഞ്ച്വറിയുമായും തിളങ്ങിയപ്പോൾ ഓസീസ് അനായാസം വിജയത്തിലേക്ക് കുതിച്ചു. 83 പന്തിൽ 16 ഫോറുകളും നാല് സിക്സറുകളും അടക്കം 123 റൺസിൻ്റെ വെടിക്കെട്ട് ബാറ്റിങ്ങാണ് ഓസീസ് ഓപ്പണർ ട്രാവിസ് ഹെഡ് പുറത്തെടുത്തത്. ലബുഷെയ്ൻ 49 പന്തിൽ ഒരു സിക്‌സും നാല് ബൗണ്ടറിയും അടക്കമാണ് 51 റൺസ് നേടിയത്.

Australia vs England 1st Ashes Test
Source: X/ ICC
Australia vs England 1st Ashes Test
ഇന്ത്യ-ദക്ഷിണാഫ്രിക്ക രണ്ടാം ടെസ്റ്റ്: ആദ്യദിനം ഒപ്പത്തിനൊപ്പം പൊരുതി ഇരു ടീമുകളും

ഇംഗ്ലണ്ടിന്റെ ഒന്നാം ഇന്നിങ്സ് സ്കോറായ 172 റൺസിന് മറുപടിയായി ഓസ്ട്രേലിയ ഒന്നാം ഇന്നിങ്സിൽ 132 റൺസിൽ എല്ലാവരും പുറത്തായി. ഏഴ് വിക്കറ്റെടുത്ത് ഇം​ഗ്ലണ്ടിനെ തകർത്ത ഓസ്ട്രേലിയൻ പേസർ മിച്ചൽ സ്റ്റാർക്കിന് അഞ്ച് വിക്കറ്റ് നേട്ടത്തിലൂടെ ഇം​ഗ്ലീഷ് നായകൻ ബെൻ സ്റ്റോക്സ് മറുപടി നൽകുകയായിരുന്നു.

തുടർന്ന് ഇംഗ്ലണ്ടിനെ രണ്ടാം ഇന്നിങ്സിൽ 164 റൺസിനാണ് ഓസ്‌ട്രേലിയ ഓൾ ഔട്ടാക്കിയത്. 40 റൺസിൻ്റെ ഒന്നാം ഇന്നിങ്സ് ലീഡുമായി ഇറങ്ങിയ ഇംഗ്ലണ്ടിനെ ഓസീസ് പേസർമാർ എറിഞ്ഞിടുകയായിരുന്നു. ഓസീസ് പേസർമാരായ മിച്ചൽ സ്റ്റാർക്ക്, സ്‌കോട്ട് ബോളണ്ട്, ബ്രണ്ടൻ ഡോഗെറ്റ് എന്നിവർ മൂന്ന് വീതം വീതം വിക്കറ്റെടുത്തു.

Australia vs England 1st Ashes Test
അവള്‍ 'യെസ്' പറഞ്ഞു! ലോകകപ്പ് സ്വന്തമാക്കിയ അതേ വേദിയില്‍ വച്ച് സ്മൃതി മന്ദാനയെ പ്രൊപ്പോസ് ചെയ്ത് പലാഷ് മുച്ചല്‍ | വീഡിയോ

ഇംഗ്ലണ്ടിനായി രണ്ടാമിന്നിങ്സിൽ ഗസ് അറ്റ്കിൻസൺ (37), ഒലീ പോപ്പ് (33), ബെൻ ഡക്കറ്റ് (28), ബ്രെയ്‌ഡൻ കെയ്സൻ (20) എന്നിവർ മാത്രമാണ് ഭേദപ്പെട്ട സംഭാവന നൽകിയത്. രണ്ട് ഇന്നിങ്സുകളിലുമായി പത്ത് വിക്കറ്റെടുത്ത ഓസീസ് പേസർ മിച്ചൽ സ്റ്റാർക്കാണ് കളിയിലെ താരമായത്. ബാറ്റർമാരുടെ ശവപ്പറമ്പായ പെർത്തിലെ പിച്ചിൽ ആദ്യ ദിനം 19 വിക്കറ്റുകൾ വീണപ്പോൾ രണ്ടാം ദിനം 13 വിക്കറ്റുകൾ കൂടി വീണു.

Mitchell Starc Player of the match
Source: X/ ICC

Related Stories

No stories found.
News Malayalam 24x7
newsmalayalam.com