സഞ്ജു സംഹാരം! 16 പന്തിൽ 47 റൺസ്; മഹാരാഷ്ട്രയ്‌ക്കെതിരെ കേരളത്തിന്റെ റൺമഴ

ആദ്യം ബാറ്റ് ചെയ്ത കേരളം സഞ്ജുവിന്റേയും രോഹൻ കുന്നുമ്മലിന്റെയും ബാറ്റിംഗ് മികവിൽ 8 വിക്കറ്റ് നഷ്ടത്തിൽ 211 എന്ന മികച്ച സ്കോറിലെത്തി. നാലാമനായി ക്രീസിലെത്തിയ സഞ്ജു തുടക്കം മുതൽ ആക്രമിച്ച് കളിക്കുകയായിരുന്നു
SANJU V SAMSON
SANJU V SAMSONCourtesy' BCCI
Published on: 
Updated on: 

ചണ്ഡിഗർ: ഫോമിലേക്ക് തിരിച്ചെത്തി സഞ്ജു വി സാംസൺ, സയ്ദ് മുഷ്താഖ് അലി ടൂർണമെന്റിൽ മഹാരാഷ്ട്രക്കെതിരെയാണ് സഞ്ജുവിന്റെ വെടിക്കെട്ട് ബാറ്റിംഗ് പ്രകടനം. ആദ്യം ബാറ്റ് ചെയ്ത കേരളം സഞ്ജുവിന്റേയും രോഹൻ കുന്നുമ്മലിന്റെയും ബാറ്റിംഗ് മികവിൽ 8 വിക്കറ്റ് നഷ്ടത്തിൽ 211 എന്ന മികച്ച സ്കോറിലെത്തി. നാലാമനായി ക്രീസിലെത്തിയ സഞ്ജു തുടക്കം മുതൽ ആക്രമിച്ച് കളിക്കുകയായിരുന്നു. വെറും 16 പന്തിൽ നിന്നാണ് 47 റൺസ് അടിച്ചെടുത്തത്. അഞ്ച് സിക്‌സും മൂന്ന് ബൗണ്ടറികളും ഇന്നിങ്സിന് അകമ്പടിയായി.

SANJU V SAMSON
പത്ത് വര്‍ഷത്തെ കാത്തിരിപ്പ്: വീടെന്ന സ്വപ്‌നം യാഥാര്‍ത്ഥ്യമാക്കി സഞ്ജു സാംസണ്‍, താക്കോല്‍ കൈമാറി അമ്മ

രോഹൻ കുന്നുമ്മൽ 47 പന്തിൽ നിന്ന് 75 റൺസ് നേടി ടോപ് സ്കോററായി. മറുപടി ബാറ്റിങ്ങിറങ്ങിയ മഹാരാഷ്ട്ര ഒടുവിൽ വിവരം കിട്ടുമ്പോൾ 7.3 ഓവറിൽ 5 വിക്കറ്റ് നഷ്ടത്തിൽ 63 റൺസ് എന്ന നിലയിലാണ്. പേസർ എംഡി നിതീഷ് കേരളത്തിനായി ഇതിനോടകം നാല് വിക്കറ്റ് വീഴ്ത്തി. ആദ്യ മത്സരത്തിൽ മധ്യപ്രദേശിനോട് പരാജയപ്പെട്ട കേരളത്തിന് വിജയം നോക്ക്ഔട്ട് സാധ്യതകൾക്ക് ബലം പകരും.