'ആശ' ഷമ്മിയല്ല! പ്രകടനം കൊണ്ട് ഞെട്ടിക്കുന്ന ഉർവശി| AASHA REVIEW

ഒരു അഭിനേതാവ് ഫ്രെയിമിലേക്ക് ആദ്യം വരുന്ന നിമിഷം തന്നെ കാണികൾക്ക് ആ വ്യക്തി അവതരിപ്പിക്കുന്ന കഥാപാത്രം വെളിപ്പെടുന്നത് അപൂർവമായി മാത്രം സംഭവിക്കുന്ന കാര്യമാണ്. 'ആശ' എന്ന ചിത്രത്തിലെ ആദ്യ സീനിൽ തന്നെ ആ അപൂർവ അവസരം സമ്മാനിക്കുകയാണ് സഫർ സനൽ എന്ന സംവിധായകൻ. തീർത്തും സാധാരണമായ ഒരു രംഗം. നമ്മളിൽ പലരും കണ്ടു പരിചയിച്ച, പലരും ജീവിതത്തിൽ അനുഭവിച്ച കാര്യമാണ് ഈ രംഗത്തിൽ നടക്കുന്നത്. പക്ഷേ, ഇവിടെ കഥാപാത്രം ആ സാധാരണ കാര്യത്തോട് പ്രതികരിക്കുന്ന രീതിയിൽ നിന്നും ആശ ആരാണെന്നല്ല, എന്താണെന്ന് പറയുകയാണ് സിനിമ. ഉർവശി എന്ന നടിയുടെ അതുല്യമായ പ്രതിഭയുടെ വിളയാട്ടമാണ് ഇവിടെ നിന്നങ്ങോട്ട് രണ്ട് മണിക്കൂർ പ്രേക്ഷകർ കാണുന്നത്, അനുഭവിക്കുന്നത്. അവിടെ ഉർവശിയില്ല. ആശ, ആശ മാത്രം!