കണ്ണൂര്: പബ്ലിക് റിലേഷൻസ് ഡിപ്പാർട്ട്മെൻ്റ് എൽഡിഎഫ് സ്ഥാനാർഥിക്കായി ഔദ്യോഗിക വാർത്താക്കുറിപ്പ് പുറത്തിറക്കിയെന്ന ആരോപണം. അഴീക്കോട് മണ്ഡലം എൽഡിഎഫ് സ്ഥാനാർഥി കെ. വി. സുമേഷിന് വേണ്ടി വാർത്താക്കുറിപ്പ് ഇറക്കിയെന്നാണ് പരാതി. യുഡിഎഫ് വ്യക്തിഹത്യ നടത്തുന്നു എന്ന് എൽഡിഎഫ് പരാതി നൽകിയതിനെ കുറിച്ചാണ് വാർത്താക്കുറിപ്പ്.
അതേസമയം, പിആർഡിയുടെ ഈ നീക്കം ഗുരുതര ചട്ടലംഘനമാണെന്ന് കോൺഗ്രസ് ആരോപിച്ചു. തെരഞ്ഞെടുപ്പ് കമ്മീഷന് പരാതി നൽകുമെന്നും കോൺഗ്രസ് നേതൃത്വം അറിയിച്ചു.