ബെംഗളൂരു: 2026–27 സാമ്പത്തിക വർഷത്തിൻ്റെ ആദ്യ പകുതിയിൽ ശ്രദ്ധേയമായ സാമ്പത്തിക വളർച്ച രേഖപ്പെടുത്തി BEML Limited. കമ്പനിയുടെ പ്രവർത്തന വരുമാനം മുൻവർഷത്തെ ഇതേ കാലയളവിനെ അപേക്ഷിച്ച് 36.53% വർധിച്ച് 2,011.23 കോടിയിലെത്തി. EBITDAയിൽ 125.11% വളർച്ചയും രേഖപ്പെടുത്തി. മുൻവർഷത്തെ നഷ്ടത്തിൽ നിന്ന് മാറി 5.67 കോടി അറ്റാദായവും കമ്പനി കൈവരിച്ചു.
മുംബൈ–അഹമ്മദാബാദ് അതിവേഗ റെയിൽ പദ്ധതിക്കായി NHSRCLൽ നിന്ന് 5,400 കോടിയുടെ ചരിത്രത്തിലെ ഏറ്റവും വലിയ ഒറ്റ കരാർ സ്വന്തമാക്കിയതും ആഫ്രിക്കയിലും മിഡിൽ ഈസ്റ്റിലും കയറ്റുമതി ഓർഡറുകൾ നേടിയതും കമ്പനിയുടെ പ്രധാന നേട്ടങ്ങളാണ്. കൂടാതെ, ഇന്ത്യയിൽ ആദ്യമായി തദ്ദേശീയമായി വികസിപ്പിച്ച 60 ടൺ ശേഷിയുള്ള ഇലക്ട്രിക് ഡംപ് ട്രക്ക് BH60-EV മൈസൂരു കോംപ്ലക്സിൽ പുറത്തിറക്കി.
കമ്പനിയുടെ ആകെ ഓർഡർ ബുക്ക് ചരിത്രത്തിലാദ്യമായി 20,000 കോടി പിന്നിട്ടത് BEML ൻ്റെ വളർച്ചയിലെ സുപ്രധാന നാഴികക്കല്ലായി. പ്രതിരോധം, റെയിൽ & മെട്രോ, ഖനനം & നിർമ്മാണ ഉപകരണങ്ങൾ എന്നീ മേഖലകളിലെ കമ്പനിയുടെ ശക്തമായ വളർച്ചയും സാങ്കേതിക മികവും ഈ നേട്ടങ്ങൾ പ്രതിഫലിപ്പിക്കുന്നു.