കൊച്ചി: ടിനു പാപ്പച്ചന്റെ സംവിധാനത്തിൽ എത്തുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ട് അണിയറ പ്രവർത്തകർ. 'സ്വാതന്ത്ര്യം അർധരാത്രിയിൽ', 'അജഗജാന്തരം', 'ചാവേർ' എന്നീ ചിത്രങ്ങൾക്ക് ശേഷം മുഴുനീള ആക്ഷൻ സിനിമകളിൽ നിന്ന് ഇടവേള എടുത്തുകൊണ്ട് വീണ്ടും എത്തുകയാണ് ടിനു പാപ്പച്ചൻ. 'കൊല്ലം കോട്ട കമ്പനി' എന്ന് പേരിട്ടിരിക്കുന്ന സിനിമയിൽ നാല് പുതുമുഖങ്ങൾ ആണ് പ്രധാന വേഷത്തിൽ എത്തുന്നത്. കൂടാതെ നടൻ സജിൻ ഗോപുവും മറ്റൊരു മുഖ്യ വേഷത്തിൽ ചിത്രത്തിലുണ്ട്.
കൊല്ലം പശ്ചാത്തലമാക്കി ഒരുക്കുന്ന ചിത്രത്തിൽ ഒരു പൊലീസുകാരനും ചെറുപ്പക്കാരും തമ്മിലുള്ള സംഘർഷത്തിലൂടെയാണ് കഥ മുന്നോട്ട് പോകുന്നതെന്ന് സംവിധായകൻ ടിനു പാപ്പച്ചൻ പറഞ്ഞു. 'കൊല്ലം കോട്ട കമ്പനി'യുടെ ക്യാമറയ്ക്ക് മുന്നിലും പിന്നിലുമായി 80 ശതമാനവും പുതുമുഖങ്ങൾ ആണെന്നും സംവിധായകൻ കൂട്ടിച്ചേർത്തു.
അരുൺ നാരായണൻ, അഞ്ജന ഫിലിപ്പ്, ബിനു എസ്.ഡി, ടിനു പാപ്പച്ചൻ എന്നിവർ ചേർന്ന് നിർമിക്കുന്ന ചിത്രത്തിൽ സംഗീതം ഒരുക്കുന്നത് ജസ്റ്റിൻ വർഗീസാണ്. ആർ. അരവിന്ദനും സുജിത്ത് സുന്ദരനും ചേർന്ന് സിനിമയുടെ തിരക്കഥ തയ്യാറാക്കിയിരിക്കുന്നത്. റാഹിലാണ് ഛായാഗ്രഹണം.
കോ-പ്രൊഡ്യൂസർ- അച്ചു ബേബി ജോൺ, എഡിറ്റർ - ദീപു ജോസഫ്, ആർട്ട് ഡയറക്ടർ - അജയ് മങ്ങാട്, സൗണ്ട് ഡിസൈൻ - രംഗനാഥ് രവി, ആക്ഷൻ കലൈ കിംഗ്സ്റ്റൺ, കോസ്റ്റ്യൂം ഡിസൈനർ- ആഷിഷ് നമ്പ്യാർ, മേക്കപ്പ് - റോണക്സ് സേവ്യർ, ലിറിക്സ് - വിനായക് ശശികുമാർ, കളറിസ്റ്റ് - ശ്രീക് വാര്യർ [കളർ പ്ലാനറ്റ്], പ്രൊഡക്ഷൻ കൺട്രോളർ- പ്രധ്വി എൻ രാജൻ, ചീഫ് അസോസിയേറ്റ് ഡയറക്ടർ- ഉമേഷ് രാധാകൃഷ്ണൻ, ലൈൻ പ്രൊഡ്യൂസേഴ്സ് - ഫെബി സ്റ്റാലിൻ, വിവേക് കെ.ജി, അസോസിയേറ്റ് ഡയറക്ടർ- വിഷ്ണു വിജയൻ, സ്റ്റിൽസ് - ഷൈൻ സബൂറ, പ്രൊമോ സ്റ്റിൽസ് - അർജുൻ കല്ലിങ്കൽ. പിആർഒ - റോജിൻ കെ റോയ്.