Local Body Poll

ഭരണം നിലനിർത്താൻ സഹോദരി, തിരിച്ച് പിടിക്കാൻ സഹോദരൻ; ഇടുക്കിയിലും പോരിനിറങ്ങി കൂടപ്പിറപ്പുകൾ

കൊക്കയാർ പത്താം വാർഡിൽ നേർക്കുനേർ പയറ്റുന്ന സഹോദരങ്ങളാണ് ശ്രദ്ധാകേന്ദ്രം .

Author : ന്യൂസ് ഡെസ്ക്

ഇടുക്കി: കൊക്കയാർ പഞ്ചായത്തിലെ പത്താം വാർഡിൽ ഇത്തവണത്തെ തെരഞ്ഞെടുപ്പ് പോരാട്ടം സഹോദരങ്ങൾ തമ്മിലാണ്. സഹോദരങ്ങളൊക്കെയാണെങ്കിലും തെരഞ്ഞെടുപ്പിൽ അവരവരുടെ രാഷ്ട്രീയ ബോധ്യത്തിലാണ് ഇരുവരുടെയും മത്സരം. മത്സര രംഗത്ത് യാതൊരു വിട്ടുവീഴ്ചയും ഇല്ലെന്ന് ഇവർ പറയുന്നു.

കട്ടപ്ലാക്കൽ അബ്ദുൽ സലാമിൻ്റെ മക്കളായ അൻസലനയും അയ്യൂബ് ഖാനും പൊതുപ്രവർത്തനത്തിൽ കാലങ്ങളായി സജീവമാണ്. അയ്യൂബ് ഖാൻ കോൺഗ്രസ് ബ്ലോക്ക് വൈസ് പ്രസിഡൻ്റാണ്. അൻസൽന പത്താം വാർഡിലെ സിപിഐഎമ്മിൻ്റെ സിറ്റിംഗ് വാർഡ് മെമ്പറും. വാർഡിൽ നറുക്കെടുപ്പ് നടന്ന ദിവസം തന്നെ കോൺഗ്രസ് അയ്യൂബ് ഖാൻ്റെ സ്ഥാനാർഥിത്വം പ്രഖ്യാപിച്ചിരുന്നു. അൻസൽനയെ സിപിഐഎം വീണ്ടും മത്സരിക്കാൻ ഇറക്കിയതോടെ കുടുംബത്തിലെ പോരാട്ടത്തിന് ആവേശമേറി.

SCROLL FOR NEXT