കോഴിക്കോട്: താമരശേരി പൊലീസ് സ്റ്റേഷൻ പരിധിയിൽ 12കാരിയെ പീഡിപ്പിച്ച് ഗർഭിണിയാക്കിയ കേസിൽ 70കാരൻ അറസ്റ്റിൽ. 12കാരിയായ വിദ്യാർഥിനിയെ സ്വന്തം വീട്ടിൽ വെച്ച് പീഡിപ്പിച്ച് ഗർഭിണിയാക്കിയ കേസിൽ സമീപവാസിയായ 70കാരൻ ഹുസൈനെയാണ് അറസ്റ്റ് ചെയ്തത്.
കഴിഞ്ഞ മെയ് 15ന് വയറുവേദനയെ തുടർന്ന് പരിശോധനക്കായി എത്തിയപ്പോഴാണ് പെൺകുട്ടി അഞ്ച് മാസം ഗർഭിണിയാണ് എന്ന വിവരം പുറത്തറിയുന്നത്. തുടർന്ന് കുട്ടിയെ മെഡിക്കൽ കോളേജിൽ പ്രവേശിപ്പിച്ചു. മെഡിക്കൽ കോളേജിൽ നിന്നും ഡോക്ടർ നൽകിയ വിവരത്തിൻ്റെ അടിസ്ഥാനത്തിലാണ് പൊലീസ് കേസെടുത്തത്.