കണ്ണൂർ: ധനരാജ് ഫണ്ട് തട്ടിപ്പ് വിവാദത്തിന് പിന്നാലെ സിപിഐഎം പുറത്താക്കിയ വി. കുഞ്ഞികൃഷ്ണനെ പയ്യന്നൂരിൽ യുഡിഎഫ് സ്വതന്ത്രനാക്കാൻ നീക്കം. ആർഎസ്പി സംസ്ഥാന നേതൃത്വമാണ് നീക്കത്തിന് പിന്നിൽ. മട്ടന്നൂർ വച്ചു മാറി പയ്യന്നൂർ ഏറ്റെടുക്കാനാണ് ലക്ഷ്യമിടുന്നത്. യുഡിഎഫ് ഉഭയകക്ഷി ചർച്ചയിൽ നിലപാട് അറിയിക്കും. ആർഎസ്പി സംസ്ഥാന നേതൃത്വം സമീപിച്ചെങ്കിലും കുഞ്ഞികൃഷ്ണൻ നിലപാട് അറിയിച്ചിട്ടില്ല. നടനും സംവിധായകനുമായ ജോയ് മാത്യുവും പരിഗണനയിലുണ്ട്.