കണ്ണൂർ: സംസ്ഥാനത്ത് വീണ്ടും കർഷകൻ ജീവനൊടുക്കി. ചെറുപുഴ സ്വദേശി ഏലിയാസ് അമ്പാട്ട് ആണ് മരിച്ചത്. കീടനാശിനി കുടിച്ച് ചികിത്സയിൽ ഇരിക്കെ ഇന്ന് പുലർച്ചെ ആണ് മരണം സ്ഥിരീകരിച്ചത്.
മികച്ച കർഷകനുള്ള പുരസ്കാരമടക്കം ഏലിയാസ് അമ്പാട്ടിന് ലഭിച്ചിരുന്നു. ഏക്കർ കണക്കിന് ഭൂമി പാട്ടത്തിനെടുത്ത് ഇദ്ദേഹം പച്ചക്കറി, വാഴ എന്നിവ കൃഷി ചെയ്തിരുന്നു. പ്രദേശങ്ങളിലുള്ള തരിശ് കിടക്കുന്ന സ്ഥലങ്ങൾ പാട്ടത്തിനെടുത്ത് കൃഷി ചെയ്യുന്ന പതിവും ഏലിയാസ് അമ്പാട്ടിന് ഉണ്ടായിരുന്നു. സാമ്പത്തിക ബാധ്യത ഉണ്ടായിരുന്നതായാണ് ലഭ്യമാകുന്ന വിവരം.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ നമ്പർ: Toll free helpline number: 1056, 0471-2552056)