തിരുവനന്തപുരം: നിയമസഭാ തെരഞ്ഞെടുപ്പ് അടുത്തിരിക്കെ സുപ്രധാന തീരുമാനവുമായി കോൺഗ്രസ്. തെരഞ്ഞെടുപ്പിൽ എംപിമാർ മത്സരിക്കേണ്ടതില്ലെന്നാണ് സുനിൽ കനുഗോലുവിൻ്റെ നിർദേശം. സിറ്റിങ് എംപിമാർ നിയമസഭയിലേക്ക് മത്സരിക്കുന്നത് തിരിച്ചടിയാകുമെന്നാണ് വിലയിരുത്തൽ. ജനവികാരം കോൺഗ്രസിന് എതിരാകുന്നതിന് ഇത് കാരണമാകുമെന്നുമാണ് സർവേ ഫലം.
ഉപതെരഞ്ഞെടുപ്പ് ഉണ്ടായാൽ പല ലോക്സഭാ സീറ്റുകളും നഷ്ടപ്പെടുമെന്നും കനുഗോലു മുന്നറിയിപ്പ് നൽകുന്നു. ഒരു എംപിക്കും ഇളവ് നൽകേണ്ടതില്ല. ഒരാൾക്ക് ഇളവ് നൽകിയാൽ മറ്റ് പല എംപിമാരും സമ്മർദ തന്ത്രം പ്രയോഗിക്കുമെന്നും റിപ്പോർട്ട്. കനുഗോലുവിൻ്റെ റിപ്പോർട്ട് കോൺഗ്രസ് നേതൃത്വത്തിന് കൈമാറി.
കെ.സുധാകരൻ (കണ്ണൂർ), ശശി തരൂർ (നേമം), ഷാഫി പറമ്പിൽ (തലശേരി), അടൂർ പ്രകാശ് (കോന്നി), കൊടിക്കുന്നിൽ സുരേഷ് (ചിറയിൻകീഴ്, അടൂർ) എന്നിവരാണ് നിലവിലെ കോൺഗ്രസ് എംപികൾ.